Министерката за култура Бисера Костадиновска-Стојчевска ја разреши директорката на Филхармонијата, Тина Иванова, а за в. д. директор е поставен виолинистот Даниел Лазаровски, соопшти денеска Министерството за култура. Иванова и целиот Управен одбор на Филхармонија се разрешени поради несовесно работење, кои ги утврдила Комисија од Министерството за култура, по извршениот увид на 6 септември.
После извршен увид во работата на Националната установа Филхармонија, од страна на Комисија при Министерството за култура, извршен на 06.09.2023 година, Министерката за култура Бисера Костадиновска-Стојчевска донела одлука за разрешување на Тина Иванова, директорка на НУ Филхармонија, како и на членовите на Управниот одбор на установата. Образложението за разрешување се повикува на Законот за користење и располагање со стварите во државна и општествена сопственост, според кои директорката Иванова требало да постапува совесно, економично, соодветно, уредно, навремено, како и на склучените договори и правилници при издавање на просториите од Филхармонијата на политичката партија ВМРО-ДПМНЕ на 07.05.2023 година, но и при издавање простории на економскиот оператор Бока Бистро.
Во документацијата на Филхармонијата се константирани бројни законски повреди и неусогласености во работењето.
„Од документацијата и направените записници се заклучува дека директорката Иванова постапувала несоодветно, несовесно, неекономично, неуредно, ненавремено и спротивно на склучените договори и правилници при издавање на просториите на Филхармонија. Одговорното лице на установата склучувало договори кои самото не ги испочитувало и прекршен е Правилникот на установата кој го донел Управниот одбор“, вели Министерството.
Кавгата меѓу Костадиновска-Стојчевска и Иванова стана јавна кога директорката застана зад Синдикатот на Филхармонијата и Оркестарот, откако на 31 март 108 вработени од Филхармонијата потпишаа петиција против одлуката на Владата и рекоа дека не сакаат да го делат објектот со колегите од новоформираниот Национален џез-оркестар, иако пола од новиот оркестар се вработени музичари во Филхармонијата.
Синдикатот на Филхармонијата три месеци организираше протести пред Владата и пред Министерството за култура, а музичарите на концертите во знак на протест носеа жолти, па црвени ленти. Во оваа кампања, музичарите на Филхармонија бараа и оставка од министерката за култура.
Најавувајќи го решението за новиот простор на Џез оркестарот, министерката Костадиновска-Стојчевска на прес конференцијата на 20 јуни кажа дека очекува „извинувања кон јавноста и публиката од директорката и Управниот одбор кои свесно манипулираа со врвни музичари, но и со авторитети од светот на културата, убедувајќи ги дека јас и оваа Влада сакаме да ја земеме зградата на Филхармонија и воедно свесно ги изложија на критики од јавноста како нетрпеливи и безобзирни домаќини“. Но, не доби извинување од директорката Иванова ниту од Управниот одбор на Филхармонијата.
Во денешното јавно обраќање до медиумите, Иванова вели дека не е разрешена од функцијата поради несовесно работење како било наведено во министерката, туку дека причината е што како директорка, застанала на страната на колективот и на страната на институцијата.
Министерството за култура, пак, го отфрли ова тврдење на Иванова како инсинуации и невистини.
Во галеријата „Рудиќ“, е поставена изложбата на фотографии, што беше отворена вчера, на српскиот фотограф, Имре Сабо, со наслов, „Цртички на животот“. АСНОМ 74, денеска во 20 часот.Имре Сабо е роден во 1956 година во Мокрин, место во Кикинда во Северна Војводина. Завршил гимназија во Кикинда, а потоа студирал германски јазик и литература на Филолошкиот…
Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
