Со претставата “Орфеј” на Народниот театар „Иван Вазов“ од Софија, Бугарија, којашто се одигра вчера во НУ Албански театар, заврши 17. издание на на МТФ Скупи фестивал, што од 5 до 10 октомври се одржа во Албанскиот театар во Скопје. Фестивалот е со натпреварувачки карактер и доделува три награди: за најдобрa претстава на фестивалот, за најдобар актер и специјална награда. За најдобра претстава, одлучи тричленото жири, Снежана Конеска Руси, Вјољца Бектеши Хамити и Теја Шугарева кои едногласно се сложија наградата за најдобра оретстава да ја понесе театарот од Софија „Иван Вазов“ за претставата „Орфеј“ во режија на Јернеи Лоренци и драматургија на Матиќ Тарина.
Улогите ги одиграа, Александра Василева, Гергана Змичарова, Билјана Петринска, Радена Валканова, Ева Данаилова, Василена Винченцо, Надја Керанова, Јорета Николова, Владимир Пенев, Валентин Ганев, Дејан Донков, Стелијан Радев, Ненчо Костов, Дарин Ангелов, Димитар Николов. Во образложението на жири за најдобра претстава на фестивалот се вели дека наградата се добива за грандиозност во пропорциите на композицијата, необична структурална естетска целовитост на формата, тотална хармоничност на текст, драмска игра, музички партитури, визуелни ефекти. Базирано на античкиот мит за Орфеј, замислен и создаден преку модерни рефлекси и сетила на човештвото, вткаени се сериозни теми за војната, смртта, радоста и љубовта во животот. Режијата ја бара врската меѓу митот и реалноста на нашето време, во сета нејзина јасност, поетичност и жестокост и ги преминува границите на текстот за да изнајде едноставни иновативни решенија за целосно дејствување. впечатливи визуелни решенија, изразени минималистички. Умешна примена на музичките инструменти како симболи или клучни елементи во спектаклот. Постигнато взаемно дејство: актер – гледач на интелектуално и емоционално поле. Зачудна, необична интеракција на актерите со гледачите
Наградата „Луран Ахмети“, која се додлеува за најдобар актер ја доби Албан Укај, за улогата на Стенли во претставата „Трамвај наречен желба“ од авторот Тенеси Вилијамс во изведба на Сараевскиот Воен Театар. Оваа награда се доделува за интерпретативна моќ, прецизност во текстуалните пасажи, како и пластичност еластичност во неговата интерпретација.
Специјална награда за сценската игра ја добија актерките Пинар Акузу и Ѓулден Јануз, за нивната изразена актерска индивидуалност, во претставата “Под замокот“ во режија: Гурај Динкол од Истанбулскиот театар, која ги исполнува четирите својства на секое уметничко дело: форма, целокупност, леснотија и убавина. Двете актерки успешно ја третираат живата форма на своето тело, па физичкиот театар го издигнуваат на степен на сеопфатен театар. Колку се ова можеби први лекции во педагогијата на идните актери, толку нашите-турски актерки со нив создаваат жив живот на сцена, театарски чин под и на земјата, заснован на измислениот лик Буфон – стил на изведба со фокус на исмејувањето. Актерките Пинар Акузу и Ѓулден Јануз понудија моќна физичка сценска раздвиженост, пластичност, гестовна мимика, гласовна трансформација, душевно доживување, сето вклопено во една реална, симболична, имагинарна, а сепак сатирична игра. Базирано на текст, тема, ликови од делото Магбет, актерките слободно ја изразуваа својата индивидуалност, интерактивност, и успешно и функционално ја реализираа импровизацијата.
Под мотото “Блесок во театарот” , годинава 17. издание на Меѓународниот театарски фгестивал Скупифестивал тоа го доживеа во вистинска смисла на зборот – преку приказот на различни сценски форми, истражувања, експериментирања, работилници, адаптации, драматизации, перформанси, спектакли…
МТФ Скупифестивал и годинава е поддржан од Министерството за Култура, Бугарскиот Културен Центар Скопје, Францускиот Институт, Македонскиот Телеком, Премиум Резиденц, Весникот Коха и Албанскиот театар – Скопје.
Директор на фестивалот: Музбајдин Ќамили – Мучи, претседателот на уметничкиот совет: Сенко Велинов, уметничкиот директор: Осман Ахмети, координатор: Џанер Мусиќ, Теа Беговска одговорна за работилницата на МТФ Скупифестивал.
За повеќе информации: http://www.skupifestival.mk/
Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
