Оставките на осумте членови на Претседателството на Друштвото на писателите на Македонија се следствени на онаа што пред една година ја даде Јулијана Величковска како тогашен плен на Претседателството. Што е најинтересно, дури и Бранко Цветкоски, писателот и член на Друштвото кој бил назначен за член на Претседателството во нејзина замена, дури и тој си даде оставка. Оваа објава на фејсбук профилот на Друштвото е напишата од кого, и во кое својство? Ако оваа многу критичка состојба продолжи со „замена“ на сите осум членови се поставува прво моралното прашање: како и со кој кредибилитет „челниците“ на Друштвото на писателите ќе ја продолжат својата работа и кој е тој што сега ќе седне на местата на овие осум, сега веќе поранешни членови на Претседателството имајќи во предвид дека се работи за големи имиња на македонската книжевност. Секако, дека она што треба веднаш да се направи Претседателката на Собранието е да објави ново Генрално собрание и датум за избори на ново раководство кое ќе направи коренити промени во статутот и работата на Друштвото на писателите во понатамошниот период. Ако оваа, критична состојба се претвори во нешто „минливо“ и Друштвото на писателите ја „продолжи“ својата работа со некои „други“ членови на Претседателството донесени на шверцерски начин, тогаш тоа ќе биде дефинитивно крај на оваа исклучително значајна институција која треба да ги претставува правата на писателската фела. Секако дека е во тек конкурсот на Министерството за култура за проекти од национален интерес и некој треба да аплицира на тој конкурс како за гонишените награди „Ацо Шопов“, „Стале Попов“, „Ванчо Николески“ и „Димитар Митрев“, како и за проектите што треба да се работата во следната година. Кој ќе го прави тоа? Кој ќе го одобри следниот план за аплицирање? Како ќе биде верификуван новиот состав на Претседателството ако тоа биде донесено на погоре споменатиот шверцерски начин со предлози на Претседателката на Собранието и Претседателот кои остануваат сами во целата оваа ситуација. Доколку не се направи пресврт токму СЕГА, Друштвото не писателите ќе ја доживее агонијата следствено од трауматична состојба на една институција која ја воделе големи имиња на македонската книжевност.
Пред некој ден случајно, заради мојот напис во театарското списание „Лудус“ бев во Друштвото на драмските уметници на Србија (кое кај нас за жал го нема) каде што љубезната госпоѓа која работеше на организацијата на списанијата на Друштвото ми зборуваше за нивните активности и за тоа како тоа Друштво ги застапува драмските уметници во Србија, за сите ситуации во кое се наоѓале итн.
Легитимитетот е основата на Друштвото на писателите на Македонија. Во тоа Друштво треба да може и да се влезе во зависност од писателскиот легитимитет, но и да се излезе во зависност од висината на зачувувањето на тој ист легитимитет. Затоа, во овие моменти сите членови на Друштвото на писателите на Македонија треба да го поттикнат новото Генерално собрание каде што ќе се изберат новите раководни лица и новото Претседателство.
Сашо Огненовски
Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
