Фокусот на 64. Стручки вечери на поезијата е Глаголицата, мост што обединува низ вековите
— 18 август, 2025Седумдесет поети од земјава и странство, критичари, преведувачи и литературни работници ќе учествуваат на 64. Струшки вечери на поезијата, коишто, оваа година, ќе се одржат од 21 до 25 август во Струга. Градот уште еднаш ќе биде центар на светската поетска сцена, каде што покрај лауреатот, словачкиот поет Иван Штрпка, добитникот на наградата „Мостови на Струга“, полскиот поет Матеуш Шимчик, на манифестацијата ќе учествуваат еминентни поети од Македонија, Франција, Турција, Кина, Шпанија, Ирска, Литванија и земјите од соседството.
Директорот на „Струшки вечери на поезијата“, Никола Кукунеш и уметничкиот директор, Мите Стефоски
Покровител на манифестацијата е претседателката на Република Македонија Гордана Сиљаноска Давкова, а како национална установа е финансирана од Министерството за култура и туризам.
Директорот на Националната установа и на најголемата поетска манифестација, „Струшки вечери на поезијата“, Никола Кукунеш, денеска на прес-конференција информира дека фокусот на годинашното издание ќе биде Глаголицата, како една симболична врска, мост кој обединува низ вековите. Врска меѓу Македонија и Словачка уште од времето на сесловенските просветители, браќата Кирил и Методиј и поетска Словачка што ни доаѓа преку лауреатот Иван Штрпка.
Тој истакна дека Струшките вечери на поезијата не се локална организација и не се локален настан, и дека манифестацијата е широко етаблирана и позната во светот. Она што мора да го разбереме е дека вложувањето токму во таа меѓународна промоција на нашиот јазик и култура е тоа за кое што оваа манифестација е всушност наменета и тоа е нејзината основна цел.
Уметничкиот директор Мите Стефоски информира дека на 64-тото издание ќе бидат презентирани врвни светски имиња.
„Но, Струшки вечери на поезијата се познати по тоа што имаат значајна издавачка активност, која е проникната со самите фестивалски активности. Годинава, покрај вообичаената и луксузна монографија на лауреатот Иван Штрпка, која се објавува тројазично, ќе бидат објавени уште неколку значајни публикации кои ќе бидат презентиран во рамките на Фестивалот. Меѓу нив е и книгата на добитникот на награта „Мостови на Струга“, Матеуш Шимчик, книгата на минатогодишниот добитник на нашата најзначајна книжевна награда, наградата „Браќа Миладиновци“ за најдобра поетска книга меѓу две изданија на фестивалот, на академик Катица Ќулафкова „Небото ми е дома“, која излегува во превод на англиски јазик. Покрај овие изданија СВП годинава објавува една ретка антологија „Дионис и свети Трифун“, панорама на македонската винска поезија, чиј приредувач е познатиот поет и антологичар Славе Ѓорѓо Димоски, која ќе биде презентирана во рамките на фестивалот во соработка со нашите стратешки партнери Тиквеш, со кои не врзува долгогодишно партнерство од самите почетоци на фестивалот. Тоа е наш прилог во одбележувањето на 140 години од постоењето на винарската визба Тиквеш“, додаде Стефоски.
Струшките вечери на поезијата во едицијата плејади ќе објави уште една значајна италијанска авторка, Антонела Анеда „Резиденции во времето“. Како дел од издавачката програма е фестивалската антологија „Кој е кој – поезија од пет континенти“, која го содржи поетското творештво на учесниците на ова издание на манифестацијата.
„Меѓу публикациите кои редовно се дел од издавачката програма се и изданијата, кои се реализираат како дел од платформата „Версополис“, на која основачи се СВП заедно со уште 10 други поетски фестивали. Во партнерство со другите 30 поетски фестивалот од Европа, ќе презентираме двајца значајни автори. Од другите значајни промени во програмата ќе го истакнеме враќањето на белезите на Струшките вечери на поезијата, како што се читањата кај споменикот на Свети Климент на плоштадот во Охрид и патувањето со брод и поетското читање на „Свети Наум“. Поетското матине годинава ќе биде во предворјето на црквата „Света Богородица Перивлепта“ во Охрид. Имаме една впечатлива програма, која е сосема пристојна и одговара на нивото и реномето на Струшките вечери на поезијата“ во светот“, заклучи Стефоски.
Тој најави дека фестивалот повторно ќе го добие својот сјај исполнувајќи ја задачата да бидат афирматори и промотори на македонската и светската поезија.
„Ние сме свесни за значењето, реномето и одговорноста која стои пред нас, фестивалот повторно да го добие својот сјај и да го побуди интересот, бидејќи интересот кон поезијата и интересот кон фестивалот се проникнати и нераздвојни, и нашата задача е да бидеме афирматори и промотори на македонската и светската поезија. Токму заради тоа постои овој фестивал и затоа е најголемиот и најзначајниот културен бренд кој го има Македонија во светот. На овој фестивал повеќе од 5.500 поети од светот во 64-те изданија продефилирале најзначајните светски имиња. Фестивалот е антологија на светската поезија, а сцената во Струга била место каде што се промовирале најзначајните умови на втората половина на 20-тиот и почетокот на 21. век“, нагласи Стефоски.
Автор на визуелните материјали, плакатот и изложбениот материјал е Лазе Трипков, а автор на видео анимациите е Емил Петровски.
Автор:
Слични статии
Последни статии
-
Пет кратки филмови, пет женски визии во рамките на проектот „Кадар-на“
— 29 октомври, 2025Во рамките на „Кадар-на“ / Her Frame, на 29 октомври во Кино салата на Вардар филм во Скопје, со почеток во 14 часот, ќе се одржат проекции на регионални кратки филмови, дел од нив во режија на учеснички на програмата. После проекциите ќе се одржи Q&A сесија со авторките на филмовите. Филмовите кои ќе бидат…
-
„Ди-џеј Ахмет“на режисерот Ѓорѓи М. Унковски го затвори 46. ИФФК „Браќа Манаки“
— 28 септември, 2025Вечерва, на церемонија на свеченото затворање на 46.ИФФК „Браќа Манаки, во Центарот за култура во Битола, се прикажа филмот „Ди-џеј Ахмет“ на режисерот Ѓорѓи М. Унковски и кинематограферот Наум Доксовски, кој беше прифатен со овации од страна на публиката. Филмот бележи големи успеси на фестивалите ширум светот, прикажан е на 35 светски фестивали и добитник на дваесетина…
-
Отворено 46. ИФФК „Браќа Манаки“
— 21 септември, 2025Филмот „Мајка“ на режисерката Теона Стругар- Митевска, инспириран од животот на Мајка Тереза, синоќа го отвори 46. ИФФК „Браќа Манаки“ во Битола, во Центарот за култура, каде наредните шест дена ќе се одржуваат проекциите на главната програма на Фестивалот. Во седумтте дена, колку трае овој фестивал ќе бидат прикажани филмови поделени во категориите, долгометражни играни…
-
Вечерва во Битола ќе биде отворен 46. ИФФК „Браќа Манаки“
— 20 септември, 2025Битола го добива сјајот и почнува да пулсира и да живее наредните седум дена во знакот на 46. Интернационален филмски фестивал на камера, ИФФК, „Браќа Манаки“. Свеченото отворање е во 20 часот во Центарот за култура -Битола, со проекција на филмот „Мајка“ на режисерката Теона Стругар- Митевска. Директор на фотографија е Виржини Сен-Мартан од Белгија. Сценографијата е на Вук Митевски, прв асистент на режија…
-
„Силјан“ на Тамара Котевска е годинашниот македонски кандидат за „Оскар“
— 9 септември, 2025Македонскиот филм „Силјан“ во режија на Тамара Котевска и во продукција на Конкордиа (Concordia) е годинашниот македонски кандидат за наградата „Оскар“ за Најдобар интернационален филм. Одлуката ја донесе Комисијата за избор при Друштвото на филмските работници на Македонија, прифатена и одобрена од Американската академија за подвижни слики, уметност и наука, во состав: Томи Салковски –…
-
Дариус Конџи и Воли Фистер се новите лауреати на 46. ИФФК „Браќа Манаки“
— 9 септември, 2025Наградата за животно дело на годинашното 46. ИФФК „Браќа Манаки“ ќе ја добие иранско – францускиот кинематографер Дариус Конџи, додека наградата Златна камера 300, за специјален придонес во филмската уметност ќе ја прими американскиот режисер и кинематографер, добитник на Оскар во 2010 година за филмот „ Почеток “ во режија на Кристофер Нолан, Воли Фистер,…
-
Во МКЦ вечерва се отвораат изложбите на Бојана Мандевска и на Филип Матевски
— 2 септември, 2025Во Младинскиот културен центар, во галерија 2, вечерва во 19 часот, ќе се отворат две самостојни изложби на двајца уметници: Бојана Мандевска со изложбата насловена „Маските како лице на денешницата“ и „Моќ во боја“ на Филип Матевски. Изложбата на Бојана Мандевска претставува колекција од рачно изработени глинени маски, кои ја отсликуваат внатрешната приказна на авторката…
-
Премиерната претстава на „Ангели во Америка“ ја отвора новата сезона на Македонскиот народен театар
— 31 август, 2025Со премиера на „Ангели во Америка“ од авторот Тони Кушнер, а во режија на Филип Петковски, утревечер, први септември со почрток во 20 часот, на големата сцена, че биде отворена претстојната сезона на Македонскиот народен театар. Во претставата играат, Јордан Симонов, Александар Сотименковски, Стефан Спасов, Илин Јовановски, Наталија Теодосиева, Тања Кочовска, Дамјан Цветановски и Нела…
