Почетна / Култура на живеење / Насловна / Отворено 7. Издание на МФФ Киненова, доделена наградата за особен придонес во филмската уметност на Илдико Ењеди
Отворено 7. Издание на МФФ Киненова, доделена наградата за особен придонес во филмската уметност на Илдико Ењеди
— 8 октомври, 2022
Годинешното седмо издание на МФФ „Киненова“ вчера во преполнетата сала на киното „Милениум“ започна со доделувањето на наградата за особен придонес во филмската уметност на унгарската режисерка Илдико Ењеди.Веднаш потоа беше прикажан хрватскиот филм „Чичко“ со што беше означен почетокот на Меѓународниот филмски фестивал Киненова, фестивал кој промовира први и втори филмски остварувања на авторите од целиот свет.
Андрија Мардешиќ и Давид Капац, авторите на хрватскиот филм „Чичко“
-Годинава наградата за особен придонес во филмската уметност ја доделуваме на Илдико Ењеди, унгарска режисерка и сценаристка чии филмови донесоа нови перцепции за едноставното и она што вознемирува. Филмска авторка со голем талент, почитувана, славена, наградувана со најпрестижните филмски фестивалски награди низ светот, рече Небојша Јовановиќ, директор на МФФ Киненова врачувајќи и го признанието на годинешната лауреатка.
Работна фотографија од хрватскиот филм „Чичко“
-Навистина сум трогната пред се поради доделената награда, а потоа и возбудена бидејќи ја добивам од Фестивал кој ги прикажува првите и вторите филмови. Првиот филм е секогаш нешто многу посебно во кариерата на режисерот. Се надевам дека ќе откриете прекрасни таленти и се восхитувам и ја почитувам снагата и енергијата на фестивалот кој прави многу важна работа- ја слави првата работа на овие млади режисери, истакна Ењеди.
Фестивалот „Киненова“се изнедри од ентузијазам и борба за слободен авторски израз кој му дава ветер во грб на секој млад и храбар филмски автор во промовирање на своите дела.
-Во време на силна поларизираност во целиот свет. Социо-економска и политичка нестабилност и непредвидливост, најранливи области стануваат уметноста и културата. Недостатокот на длабок и суштествен дијалог како и засилувањето на воинствената и агресивна реторика ја засилуваат суштествената улога на уметноста во светот. Секако тука важен дел зазема филмот, а фестивалите стануваат исклучително важна алка за одржување во живот на истата. Фестивалите, пак кои трагаат по новите важни филмски авторски гласови и овозможуваат простор за нивните први дела стануваат есенција во процесот на опстанок и развој на филмот како уметност. Секако таков е „Киненова“. Стигнавме и до седмото издание. Седумка е вообичаено среќен број. Имаме, среќни, вредни и талентирани луѓе, врвни филмски автори кои ни гостуваат на Фестивалот, рече Јовановиќ.
Фестивалот го отворија младите хрватски режисери Андрија Мардешиќ и Давид Капац, чиј филм „Чичко“ е дел од главната натпреварувачка програма на Фестивалот.
-Чест ни е што во толкав голем број дојдовте вечерва. Ние филмот почнавме да го работиме во истата година кога се одржал и овој фестивал за прв пат. Пред седум години. Така што филмот и фестивалот се иста возраст. Два дена се дружиме со овие прекрасни луѓе и за нас ова е голема одговорност и голем предизвик што одлучивте да го прикажете нашиот филм на отворањето на Фестивалот. Вообичаено сите велат „уживајте во филмот“, но ние би сакале вечерва да ви кажеме „среќно“!, рекоа Андрија и Давид отворајќи го фестивалот.
Улогите во „Чичко“ ги толкуваат: Предраг Мики Манојловиќ (Predrag Miki Manojlović), Ивана Рошчиќ (Ivana Roščić), Горан Богдан (Goran Bogdan), Роко Сикавица (Roko Sikavica), Каја Шишмановиќ (Kaja Šišmanović)
Дејствието на филмот се случува во Југославија, доцни 80-ти. Семејството го пречекува својот омилен чичко кој за божиќните празници се враќа од Германија. Повторно собраното семејство ужива во празничниот ручек. Дружбата за момент ја прекинува ѕвонењето на паметниот телефон. Набргу станува јасно дека не се работи за 80-те години, а се чини и дека не се работи за Божиќ. Освен свечено испечената мисирка, изгледа дека со ножот може да се пресече и напнатоста во воздухот. Феноменално превртен филм од Балканот кој ретко се гледа.
Во организација на Министерството за култура и туризам, вчера, во Музејот на македонската борба за самостојност се одржа јавна расправа по Предлог-текстот на Националната стратегија за развој на културата за периодот 2026–2030 година, на која министерот за култура и туризам, Зоран Љутков, ја истакна важноста на културата како двигател на општествениот, економскиот и демократскиот развој…
Факултетот за ликовни уметности при Универзитетот „Св. Кирил и Методиј“ во Скопје, Катедрата за графика и трансмедиумски практики и Фондацијата „Драгутин Аврамовски-Гуте“, во Сули Ан во 19:30 часот, по 39 пат ја организираат изложбата СТУДЕНТСКА ГРАФИКА – ДРАГУТИН АВРАМОВСКИ – ГУТЕ. На отворањето на изложбата ќе биде доделена наградата за најуспешно графичко дело реализирано во…
Во рамките на манифестацијата „Денови на македонската култура“ која се одржува во Белгија, Националниот џез оркестар ќе настапи на 5 мај во престижниот културен центар „BOZAR“ во Брисел, со својата програма „Македонски сновиденија“. „Macedonian Dreams“ („Македонски сновиденија“) е уникатна фузија на македонски фолклорни мотиви и современ џез, вистинска музичка приказна која Националниот џез оркестар со…
Во Венеција пристигна уметничкиот тим што ќе ја претставува Македонија на 61. Биенале за уметност. Венециското биенале, веќе 130 години е една од најпрестижните културни институции во светот. Првата Меѓународна уметничка изложба била организирана во 1895 година. Отворањето на Македонскиот национален павилјон е закажано за петок, 8 мај, во 18.30 часот, каде ќе биде изложен…
Со балетската класика „Лебедово езеро“ во изведба на НУ Национална опера и балет во Антверпен, денес свечено започнуваат „Деновите на македонската култура“ во Белгија , престижна манифестација што ја претставува македонската уметност во нејзиното најрепрезентативно и најсјајно издание пред европската публика. Националната опера и балет настапува со едно од највеличествените дела на класичниот репертоар, потврдувајќи…
Промоцијата и дистрибуцијата на филмот „Малдорор“ од Фабриц ди Велц кој се прикажуваше изминатиов период во кинатата низ регионот, во Македонија го заокружуваме со три проекции (7, 8 и 9 април) во Кинотека. Филмот ја освои наградата на публиката на Јадранската мрежата на фестивали (Adriatic Audience Award), која беше доделена на 31. издание на Фестивалот на…
Небојша Јовановиќ викендов го почна снимањето на својот нов филм со работен наслов „И Божана сака чоколадо“, копродукција меѓу Македонија, Србија и Молдавија, работен по сценарио на Ева Камчевска и Небојша Јовановиќ. -Ова е храбар филм за немоќта на едно општество да се осознае, за последиците од неприфаќањето на сопствените и изборите на другите, за…
Во бистрото „Комедија“ во Скопје, утре на 25 март, со почеток во 18 часот, ќе се одржи промоција на романот „Страв од чекорење“, од Ѕвездан Георгиевски. Книгата е во издание на „Бегемот“, 2025 година. Промотор на романот ќе биде Војо Љ. Цветановски, пантомимичарски етиди ќе изведе Дарко Вељиќ, делови од романот ќе чита Енџи Николоска,…
