Во рамките на 43.издание на ИФФК „Браќа Манаки“, вчера, во Музејот и Архив на град Битола, беше отворена изложбата на фотографии снимени од Милтон Манаки, насловена „Милтон“ по повод 140 години од неговото раѓање, во 1882 година.
Одделението Битола при Државниот архив на Р. Македонија, кој е сопственик на фотографското наследство на браќата Манаки, ја подготви оваа изложба на „еден од најзначајните хроничари на балканската историја“, како што стои во каталогот. Таа претставува осмислен теоретско-методолошки концепт, чија цел е да го претстави фотографското наследство од Фондот 580 „Браќа Манаки“.
Изложбата содржи фотографии од творештвото и животот на Милтон Манаки, којашто опфаќа неколку тематски целини: тука се фотографии на дел од серијалот „Клисурчанката“, наградени на Меѓународниот конкурс во Букурешт, Романија во 1906 година. Понатаму следи колаж од фотографскиот опус каде е прикажана мултидимензионалноста на Милтоновите фотографии, од просјаци до кралеви. Изложбата содржи и досега необјавени фотографии на кои го гледаме неговиот семеен живот, насловен „Непосредно со Милтон“.
И последната тематска целина на фотографии дава фокус на Милтоновата освестенот за значењето на фотографскиот запис за историјата и „архивски менталитет“ благодарение на што денес нашата институција го поседува неговото наследство“ стои во каталогот во текстот од авторите на оваа изложба: Гоце Стојановски, Марија Дурлова, Димитар Ѓорѓиевски и м-р Ивана Хаџиевска.
На почетокот на 20 век, поточно во 1905 година кога пристигнуваат браќата Манаки во Битола, градот е под влијание на западниот економски развој, време кога се наѕира распаѓањето на Отоманската империја. Битола привлекува голем број на трговци, занаетчии, музичари… луѓе кои сакале да се реализираат во овој град. Браќата Манаки биле едни од дојденците кои сакале фотографскиот занает да го продолжат во градот Битола, отворајќи атеље за уметничка фотографија во најпрометниот дел од градот, Широк Сокак, број 102.
На светската изложба во Букурешт, Романија во 1906 година, браќата Манаки биле прогласени за дворски сликари и наградени со златен и сребрен медал. Успехот во Букурешт, како и техничко-уметничките квалитети кои ги постигнале со нивната најмодерна фотографска опрема за тоа време, која стигала и од преку Океанот, придонела кон уште поголем успех и препознатливост на нивната работа, којашто ќе трае повеќе од 60 години, се до смртта на Милтон Манаки во 1964 година.
Полскиот кинематографер освои Лукаш Жал ја освои Златната Камера 300 за неговата спектакуларна камера која ја следи приказната во филмот „Татковина“ на Павел Павликовски, на 47. Фестивал на филмска камера „Браќа Манаки“ во Битола. На свеченото затворање на фестиваот, Жал преку видеопорака изрази жалење што поради работа на друг проект не е во можност да…
Со доделувањето на наградите Камера 300 во сите селекции вечерва свечено ќе биде затворено 47. ИФФК „Браќа Манаки“, а дебитантското остварување на режисерот Срѓан Јаниќијевиќ ќе ја има својата македонска премиера на затворањето на фестивалот вечерва во Битола. Нема да ви се верува што се случи претходно“ е политички трилер со елементи на црна комедија,…
Од 14-18 октомври, на неколку локации низ Скопје, во рамки на програмата, на 11.ИФФ Киненова ќе бидат претставени близу 40 филмски наслови поделени во 7 програмски целини. Со својот автентичен и единствен фестивалски формат, Киненова ги надминува границите што означуваат територии и континенти и останува посветена на промоција на уникатниот и свеж авторски израз, трагајќи…
На годинешното 47 издание на Интернационалниот фестивал на филмска камера, „Браќа Манаки“, ќе се одржи од 19 до 25 септември во Битола, премиерно ќе бидат прикажани два домашни филма, едниот на отворањето и вториот на затворањето на фестивалот. Филмот СКЕЈТАЊЕТО НЕ Е ЗА ДЕВОЈЧИЊА на режисерката Дина Дума и кинематограферот Фредерик Нуаром ќе биде прикажан…
Долгометражниот игран филм „17″, во режија на Косара Митиќ и во продукција на „Црна Мачка Продукција”, е избран за македонски кандидат за наградата Оскар, во категоријата најдобар меѓународен долгометражен филм. Одлуката ја донесе Комисијата за избор на национален кандидат за Оскар при Друштвото на филмските работници на Македонија, чиј состав е прифатен и одобрен од…
Оваа година КРИК – фестивал за критичка култура ќе биде домаќин на најзначајниот, напровокативниот и актуелен филозоф на 21 век, Мартин Хеглунд. На 29 јуни во понеделник, во 20:00 часот, во Музеј на современа уметност, овој познат филозоф ќе одржи предавање со наслов: „Овој живот – критика и еманципација“, кое се заснова на неговите тези…
Во организација на Министерството за култура и туризам, вчера, во Музејот на македонската борба за самостојност се одржа јавна расправа по Предлог-текстот на Националната стратегија за развој на културата за периодот 2026–2030 година, на која министерот за култура и туризам, Зоран Љутков, ја истакна важноста на културата како двигател на општествениот, економскиот и демократскиот развој…
Факултетот за ликовни уметности при Универзитетот „Св. Кирил и Методиј“ во Скопје, Катедрата за графика и трансмедиумски практики и Фондацијата „Драгутин Аврамовски-Гуте“, во Сули Ан во 19:30 часот, по 39 пат ја организираат изложбата СТУДЕНТСКА ГРАФИКА – ДРАГУТИН АВРАМОВСКИ – ГУТЕ. На отворањето на изложбата ќе биде доделена наградата за најуспешно графичко дело реализирано во…
