Чии дела се 10-те најпознати згради во Скопје?
— 12 октомври, 2017Ниту силните земјотреси, ниту големата поплава биле доволни да се разруши главниот град на Македонија.
Скопје и понатаму опстојува прекрасен според некои, нагрден и непрепознатлив според други, но факт е дека тој е нашиот дом и немаме друго резервно место за живот.
Скопје дише со својата историја и сè уште има свои препознатливи улици и маала, а ова се дел од објектите коишто ја задржале својата автентичност и несекојдневна убавина.
Дали знаете чие дело е Музејот на современа уметност, старата пошта во центарот на градот или пак оригиналната зграда на Владата на РМ?
Погледнете ги монументалните архитектонски обележја на главниот град и дознајте нешто повеќе за нивните автори:
Влада на РМ
Автор на оригиналната зграда е архитектот Петар Муличковски, роден на 2-ри март 1929 година во Прилеп.
Муличковски е исто така автор и на зградата на Националната и универзитетска библиотека „Св. Климент Охридски“ во Скопје.
Македонска академија на науките и уметностите – МАНУ
Борис Чипан е името кое треба да го запаметите, бидејќи овој Охриѓанец е творецот на националната научно-творечка установа – МАНУ.
Роден на 27-ми март, 1918 година, Чипан бил и редовен професор на Архитектонскиот факултет во Скопје.
Музеј на современа уметност
Сместен на самиот рид Кале во непосредна близина на тврдината, Музејот на современа уметност има особена одлика на модернизмот, а тимот кој стои позади неговото проектирање се нарекувал „Варшавски тигри“.
Тројцата автори Kłyszewski, Mokrzyński и Wierzbicki од Полска го освоиле првото место на конкурсот во 1965/66 година, од вкупно 89 пристигнати трудови како идејни решенија за Музејот.
Републички хидрометеоролошки завод во Скопје
Архитектот позади една од најинтересните згради во Скопје е Крсто Тодоровски, роден на 8-ми август 1930 година, кој воедно е дел од првата генерација архитекти запишана на Архитектонскиот отсек на Техничкиот факултет во Скопје во 1949 година.
Автор е на многу проекти со општествен, но и спортски карактер.
Архив на Град Скопје
Георги Константиновски е име кое апсолутно мора да го запаметите.
Роден на 29-ти јули 1930 година во Крагуевац, Србија, Константиновски дипломирал на Техничкиот факултет во Скопје на одделот за архитектура, а своето образование го продолжил на Универзитетот Јеил во САД. Соработувал со многу познати и славни светски архитекти.
Делата на Константиновски ја дефинираат обновата на Скопје по земјотресот, а нему му ја должиме изградбата на Архивот на Град Скопје, Студентскиот дом „Гоце Делчев“, како и Институтот за земјотресно инженерство и инженерска сеизмологија.
Природнонаучниот музеј на Македонија
Зградата во непосредна близина на Зоолошката градина е дело на архитектот Трајко Димитров, кој е роден на истиот ден како и архитектот Крсто Тодоровски.
Негови дела се и Покриениот пливачки базен „Младост” и Административно-деловниот комплекс „Палома Бјанка” во Скопје.
Телекомуникациониот центар за ПТТ
За старата пошта во центарот на Скопје можеме да му се заблагодариме на Јанко Константинов, роден во 1926 година, кој Дипломирал на Архитектонскиот факултет при техничката висока школа во Белград.
Негово дело е и хотелот „Александар Палас“ изграден во 1998 година.
Македонска опера и балет – МОБ
„Биро 77“ стои како тим позади една од најинтригантните згради во Скопје, составен од 4 автори: Стефан Кацин, Јуриј Принцес, Богдан Сплиндер и Марјан Уршич.
Лоцирана покрај кејот на Вардар, домот на операта и балетот е завршен со изградба во 1979 гоодина.
Зграда на МРТ
Една од најпрепознатливите згради во Скопје, зградата на националната ТВ куќа е проектирана од страна на Кирил Ацевски, а целосната изградба на сложената просторна целина е завршена во 1983 година.
Ристиќева палата
Омилената зграда во строгиот центар на Скопје со поглед кон плоштадот и мостот на реката Вардар е дел од визијата на архитектот Драгутин Маслаќ.
Објектот припаѓа на правецот академизам и го оформува најзначајниот агол меѓу познатите ул. Македонија и ул. Максим Горки.
Извор: Црно бело
Автор:
Слични статии
-
-
-
107 години од раѓањето на Василие Поповиќ – Цицо
12 февруари, 2021 -
Последни статии
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
-
Работилницата „Козметички третман на велосипед“ како најава за почеток на Недела на дизајн во Скопје
— 13 септември, 2024На 14. септември во Центарот за дизајн и иновации „Јавна соба“ во 11 часот ќе се одржи работилницата „Козметички третман на велосипед“ која всушност го најавува фестивалот за дизајн Skopje Design Week. Работилницата или козметичкиот третман на велосипед е бесплатна за сите, а за третманот ќе се погрижат тату артистите: Ертунч Сали, Сања Симоска и…
-
ДПМ во понеделник ќе ги додели традиционалните годишни награди
— 13 септември, 2024Друштвото на писатели на Македонија соопшти дека во понеделник ќе бидат доделени традиционалните годишни награди на ДПМ. Во понеделник, во 11:00 часот, во просториите на Друштвото на писателите на Македонија ќе бидат прогласени добитниците на традиционалните годишни награди на ДПМ за 2023 година, чијшто конкурс минатата година беше одложен поради случувањата во Друштвото, односно долгата…
-
Изложба на водечките современи уметници Дан и Лиа Пержовски во МСУ
— 13 септември, 2024Дан и Лиа Пержовски, кои ги исцртуваат ѕидовите на МоМА Њујорк, Тејт Модерн во Лондон, Центарот Помпиду-Бобур во Париз, ВанАбе Музејот во Ајндховен… ќе имаат самостојна изложба во Музејот на современата уметност – Скопје. Ова е исклучително ретка можност во Скопје да присуствуваат светски познати уметници, кои ги поместуваат границите на современите уметнички практики денес….
-
Во своја средина е потешко да добиеш награда, вели Сашко Коцев, овогодишен лауреат на 27. издание на МТФ „Денови на комедија“
— 12 септември, 2024Овогодишен лауреат на меѓународниот театарски фестивал „Денови на комедија“ Куманово е актерот Сашко Коцев, соопштија на денешната прес-конференција од Националната установа Центар за култура „Трајко Прокопиев“. Годинава по 27-ми пат ќе се одржи традиционалниот меѓународен фестивал „Денови на комедија“ на кој ќе бидат изведени единаесет комедии од театри од државата и соседните земји, Бугарија и…
