Црквата „Св.Ѓорѓи Победоносец“ во Младо Нагоричане е конзервирана и реставрирана
— 12 февруари, 2017Црквата била во исклучително лоша состојба, особено кровот кој прокиснувал и водата која што навлегувала го раздробувала каменот и внатрешноста на црквата.
Во непосредна близина на црквата „Св.Петка“ се наоѓа и цркваta „Св.Ѓорѓи Победоносец“ посветена на Св.Ѓорѓи и двете во селото Младо Нагоричане. Не се знае точно од кога датира црквата. мислењата се движат во временски распон, опчнувајќи од 11 век па се до 17 век. Се работи за доста интересен архитектонски објект. Граден е од разнобојни обработени камени блокови од светла до темно окер и жолтеникава боја, долги до 1 метар, а во изработка на прозорците и украсите во горните делови е употребена црвеникава тула. Се работи за трокорабна базилика со развиен впишан крст во основата. На западната страна се наоѓа широк варосан нартекс, издвоен од наосот, кој никогаш не бил живописан. На источната страна се наоѓа тристрана апсида, која одвнатре е полукружна. Главниот влез е на западната страна но повеќе функционира влезот од јужната страна. Западната фасада е украсена со бифора и по една монофора од двете страни, спуштени на подолното ниво, сместена во декоративен лак од црно бели квадрати и слепи арки на конзоли, кои ја осликуваат сводната структура во внатрешноста изведена во наизменични движења на светли и темни блокови. Ваков декоративен лак со бифора се наоѓа и на јужната страна. Овие елементи се карактеристични за исламското градителство. На прво место е и ниската купола односно калота, внатре во наосот. Над апсидата се наоѓа камена розета. Се мешаат елементи од ерменско и турско влијание, што не наведува да ја датираме црквата во 16 век. Од откриените сонди на живописот, може да се види дека фрескосликарството, па и архитектурата, ја следат програмата Св.Ѓорѓи во Старо Нагоричане. На сводот е понов живопис од 19 век. Во куполата е Христос Вседржител, допојасно. Иконостасот, репрезентативен и доста висок, е од 1892 година. Историските факти велат дека на оваа територија се формирала населба уште во VI век п.н.е. која опстојувала до III век п.н.е. Повторно заживување на овие простори имало во Римско време за што сведочат пронајдените римски гробови од VI век.
„Проектот кој опфаќал неколку фази, за непосредна заштита, конзервација и реставрација на архитектурата на црквата „Св.Ѓорѓи Победоносец“ е целосно завршен. Тука станува збор за конструктивна консолидација на самата црква. Нешто коешто сакам да го истакнам како значајно, а тоа е враќање на првобитниот сјај на архитектурата на црквата, со конструктивно зајакнување, целосно препокривање на самата црква, дренажаен систем околу црквата, партерно уредување, потпорен ѕид, значи сето она што е неопходно за да се врати првобитниот изглед на овој вреден споменик на културата,“ рече Канческа-Милевска.
Издвоени се шест милиони денари за конзервацијата и реставрацијата на архитектурата и за продолжување во втората фаза, а тоа е конзервација на фрескоживописот,
Проектот е влезен во годишната програма на Националниот конзерваторски центар за тековната година, што подразбира продолжување на работите врз фрескоживописот којшто се планира да биде завршен до крајот на годината. Црквата била во исклучително лоша состојба, особено кровот кој прокиснувал и водата која што навлегувала го раздробувала каменот и внатрешноста на црквата.
Состојбата со фреските од фрескоживописот била катастрофална, тие биле целосно прекриени. Паралелно со конструктивна консолидација се работело на нивна заштита и сега претстои завршна фаза.
Tagged with:
КОНЗЕРВАЦИЈА КУЛТУРНО НАСЛЕДСТВО Младо Нагоричане РЕСТАВРАЦИЈА Св. Ѓорѓи Победоносец црква
Автор:
Слични статии
-
-
-
-
За што се боревме!
18 јануари, 2019
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
