Народните приказни се вонвременски
— 5 септември, 2016Во Македонскиот народен театар течат подготовките за претставата „Силјан Штркот шанца“ чија премиера е закажана за октомври. Претставата се работи по драматизацијата на Дејан Дуковски, а режијата е на Срѓан Јаниќијевиќ. Дуковски како вистински мајстор додал уште неколку димензии на народниот гениј, со што извонредно се надоврзува на традицијата создавајќи нова вредност. Моќта на народните приказни е во тоа што тие се вонвременски, вели режисерот Јаниќијевиќ.
Запрашан за поуката која претставата треба да им ја даде на младите, тој истакна дека никогаш не сакал поука во која било уметност. „Токму тие патетични поуки не доведоа до тука. Секое патетично ламентирање (со кое сме загадени веќе подолго време) го уништува хуморот, а со тоа и виталноста на духот. Ние сакаме само да се насмееме на таа патетика“, рече тој истакнувајќи дека при работата на пробите со актерите дошле до констатација дека дури и никакво воспитување на децата е далеку подобро од лошото, пишува Утрински весник.
Притоа, тој посочи дека уште од праизведбата на „Силјан Штркот шанца“ во далечната ’91 во режија на Драгослав Тодоровиќ, кога бил негов асистент сакал да го постави овој текст. „Го паметам целиот процес на создавање на претставата и од тогаш знаев дека кога-тогаш ќе ја поставам и јас. Сега дојде времето“, додаде Јаниќијевиќ.
Од МНТ пак соопштија дека „Силјан Штркот шанца“ претставува најава, но и враќање на детско-младинскиот театар на оваа институција. „Оваа година се навршуваат 70 години откако Македонскиот народен театар ја постави својата прва детска куклена претстава во 1946, и тоа токму ’Силјан штркот’, работена според избор од македонското народно творештво, објавено во трудовите на Марко Цепенков, а во драматизација и режија на Петре Прличко“, велат од МНТ.
Во претставата ќе настапат: Александар Михајловски, Никола Ацески, Марија Новак, Ивица Димитријевиќ, Нина Деан, Висар Вишка, Нино Леви, Кире Ѓоревски, Александар Ѓорѓиевски, Николина Кујача, Ана Стојановска и Тина Трпкоска. Кореографијата е на Александра Кочовска-Начева, а визуелната замисла за сцената и костимите на Илина Ангеловска.
Како што истакнаа од МНТ, „драмата претставува ретка хармонија на реалистично и фантастично, во која според режисерот Јаниќијевиќ треба да се пронајде детето во себе или како што вели тој: ’Не бидете патетични, бидете деца’“.
Автор:
Слични статии
-
-
ПСЕВДОИСТОРИЈАТА НА АМЕРИКАНСКИОТ СОН
12 јули, 2023 -
МУЛТИЗНАЧНОСТА НА СЛОВЕНЕЧКИОТ ТЕАТАР
10 април, 2023 -
ИСТОШТЕНОСТА НА ДУХОТ
22 март, 2023
Последни статии
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
