Томаж Пандур – постхумно добитник на наградата за исклучителни достигнувања на МНТ-Фест
— 20 јуни, 2016На истакнатиот словенечки и светски режисер Томаж Пандур (1963-2016) постхумно ќе му биде доделена наградата за исклучителни достигнувања во областа на театарот во рамките на Интернационалниот театарски фестивал МНТ-фест, на 24 јуни во Македонски народен театар.
Наградата ќе ја подигне неговата сестра, драматургот Ливија Пандур пред изведбата на неговата последна претстава „Фауст“.
МНТ информира дека наградата му се доделува за целокупниот опус и креативноста која ја остави зад себе. „За Пандур се вели дека ако Никола Тесла е гласник на модерната технологија, тогаш Томаж Пандур и неговите проекти го најавуваат театарот на новиот милениум. Неговата сценска естетика е оригинална и тој остави пример за чист пристап, истрајност, изразена виртуозност и безвременска магија. Оценет е како алхемичар во театарот и истражувач на новите медиуми и изразни сретства на актерската игра“, соопшти МНТ.
– Со ненадејното заминување на големиот режисер Томаж Пандур, светскиот театар изгуби едно од најзначајните режисерски имиња на денешницата, човек со огромен креативен набој, потенцијал и енергија и режисер со кој актерите и соработниците уживаа во работата и новитетите во секој нов проект, наведува МНТ за Пандур, кој почина ненадејно во април на проба во МНТ додека ја подготвуваше претставата „Кралот Лир“.
Во средношколските денови Томаж Пандур ја формирал театарската група Тесписов воз – Нов словенечки театар. Дипломирал на Академијата за театар, филм и телевизија, во Љубљана. Во последните десетина години Пандур активно соработуваше со различни театари. По успешната кариера во Словенија и на некогашниот ЈУ-театарски простор, стекна и светско реноме работејќи на разни европски и светски сцени.
Томаж Пандур и Ливија Пандур во Мадрид го основаа театарот Pandur.Theaters, кој многу бргу се наметна со својата програма на европски и светски театар. Режисер е на: „Фауст“ (Љубљана, 2015), „Крал Лир“ (Атина, 2015), „Фаусто“ (Мадрид, 2014), „Медеја“ (Загреб, 2012), „Хамлет“ (Мадрид, 2009), „Калигула“ (Загреб, 2008), „Тесла Електрик“ (2006), „Божествена комедија: Пекол, Чистилиште, Рај“ (Хамбург, 2001/02), „Вавилон“ (Марибор, 1996), „Кармен“ (Марибор, 1993) и „Фауст“ (Љубљана, 1988).
Од 1988 година Томаж Пандур добил низа признанија и награди, како Златна маска на МЕСС (1990), „Бојан Ступица“ за животно дело (1992) и „Изабела Католичка“ – државно признание на Кралството Шпанија (2011).
Наградата за исклучителни достигнувања во областа на театарот, МНТ-фест ја доделува на крајот на фестивалот и досегашни добитници се: лондонскиот Глоуб театар (2014) и истакнатиот унгарски и европски режисер Атила Видњански (2015).
Автор:
Слични статии
-
-
-
ИСТОШТЕНОСТА НА ДУХОТ
22 март, 2023 -
Исткаени од соништа или извитоперениот ум на Просперо
26 декември, 2022
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
