Прекрасен прием на Охриѓани за Астрид Ветнал
— 15 јуни, 2016Францускиот филм „Пат за Истанбул“ на Рашид Бушареб го имаше своето прво прикажување по Берлинскиот фестивал во Охрид
Проекцијата на извонредниот филм „Пат за Истанбул“ на Рашид Бушареб, кој премиерно беше прикажан на годинешното Берлинале во програмата „Панорама“, што се одржа прексиноќа на првото издание на Интернационалниот фестивал на ангажиран филм „Охрид Филм Фест“ помина одлично. На ова прво прикажување на филмот, воопшто, после Берлинскиот фестивал, а кое се случи во Охрид, пристигна главната актерка, Астрид Ветнал, чие присуство создаде многу пријатна и присна атмосфера. Охриѓани по проекцијата, видно емотивно трогнати од филмот, и приоѓаа на Астрид и `и честитаа и изјавуваа дека ова е исклучителен филм и дека таа е извонредна во него. Сите сакаа да се сликаат со неа или да добијат автограм, на што Астрид навистина одговори многу пријатно и едноставно, при што се создаде една дури фамилијарна атмосфера. По коктелот организиран во Центарот за култура, Астрид беше поканета на специјална вечер со староградска музика во ресторанот „Белведере“, каде што гостинката беше одушевена од автентичноста на местото и убавината на македонската музика. Астрид за Охрид, иако престојуваше само кратко, изјави дека е исклучително место каде што сигурно ќе се врати со своето семејство, со сопругот и со трите ќерки.
Вчера на Охридскиот филмски фестивал беше одржана и прес-конференција на која Астрид зборуваше толку инспиративно, што средбата со новинарите траеше многу подолго од вообичаено. Запрашана за тоа дали приказната во „Пат за Истанбул“, каде што една млада девојка ќе оди на џихад во Сирија, е направена по вистински настан, таа рече дека не е директно од една судбина туку од повеќе приказни кои се случувале во Белгија, Франција, Англија, Холандија и дека од нив направиле одлично сценарио режисерот Рашид Бушареб и познатиот сценарист и писател Јасмин Кадр. Тие направиле истражување за тоа што се случува, зошто младите одат таму, но одговорот не е едноставен, проблемот е комплексен.
„Моето мислење е дека филмот треба да биде еден вид оружје (се разбира антивоено) во борбата против ваквите случаи. Политиката и државата не можат многу да помогнат, децата можат лесно да се манипулираат, мора да се има свест и комуникација со нив. Според мене културата може многу да направи против било каква идеологија„, изјави Астрид Ветнал. Како што зборуваше, Астрид смета дека всушност главната тема во филмот „Пат за Истанбул“ е љубовна приказна, дека тоа е сторија за безрезервната љубов на мајката која е подготвена да направи се за да го обнови дијалогот со својата ќерка и за да може да ја спаси.
На прашањето за тоа колку беше тешко да ја донесе оваа улога на мајката која тргнува сама на пат преку Турција да стигне до Сирија и да ја врати својата „загубена“ ќерка, таа рече дека било интересно, но и тешко да се влезе во таа улога. Се обидувала да ја донесе автентично, свесна дека треба да се изврши влијание на тинејџерите кои лесно се импресионираат од разни влијанија. Порано имаше хипи-револуција, кибуци, а сега сето тоа се прави на религиозна основа. Во секој случај, треба многу разговор, контакти, но таа е полна со надеж и оптимизам и се надева дека со филмот, со културата, со негување на семејните вредности тоа може да се надмине.
Астрид Ветнал на крајот, исто како и Лазар Ристовски на почетокот донесоа извонредна и многу инспиративна атмосфера на Охридскиот филмски фестивал. Ова прво издание на фестивалот заврши синоќа со проекција на филмот на Иво Трајков „Само за губитници“, кој е снимен во Охрид (како дел од специјалната годинешна програма „Охрид на филм“) и со атрактивната и вистинска приказна „Бољшој Вавилон“, во која покрај фантастичните настапи на балетот од Бољшој театарот, можеше да се види и што се случува во позадината односно да се видат драматичните настани што се случуваа во оваа куќа во 2013 година.
Автор:
Слични статии
-
-
МУЛТИЗНАЧНОСТА НА СЛОВЕНЕЧКИОТ ТЕАТАР
10 април, 2023 -
-
Последни статии
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
