Годинешниот „Оф Фест“ беше во знакот на музиката од Мали
— 3 јуни, 2015Настапот на светската музичка сензација, групата „Тинаривен“, виртуозните музички бунтовници од Мали, беше прекрасно музичко доживување на последната вечер на 14. „Оф Фест“. Како што и се очекуваше, публиката уште од првиот акорд ги прифати со овации и во текот на целиот концерт уживаше во овој незаборавен и експлозивен концерт. За убавото доживување, зборуваат и трите биса со кои музичарите од „Тинаривен“ беа вратени од страна на публиката па концертот траеше многи подолго од предвиденото време. Инаку, годинашниот „Оф фест“ ќе биде забележан по настапот на групите од Мали. Имено, во фокусот на годинашното издание на фестивалот беше ставена богатата музичка традиција на една од најсиромашните земји во светот, денес поделена земја, после граѓанската војна во Мали. Од оваа земја, оваа година настапија три извонредни музички состави. На првиот фестивалски ден, на 28 мај, публиката уживаше во настапот на Басеку Кујате, мајсторот на традиционалниот инструмент „нгони“ и неговиот еклектичен состав „Нгони Ба“. Музичката приказна за Мали потоа продолжи следната вечер, на 29 мај кога публиката уживаше во музилата на легендарниот блуз гитарист и симболот на независноста на Мали – Бубакар Траоре.
Програмата беше распоредена во пет фестивалски вечери на кои настапија седум музички групи и музичари од земји на три континенти, Мали, Мароко, Јужна кореја, Португалија и Македонија. Фестивалот, на 28 мај, го отвори иновативниот пост-рок, состав и во моментов најголемата музичка атракција од Кореја, бендот „Jambinai“. Во саботата, на 30 мај, публиката имаше можност да слушне две женски музички имиња: фадо-музиката на португалката Лула Пена и мароканката – кантавторк,а Хинди Зара. На 31 мај македонската етно-ризница , претставена на осовременет стил, беше претставена преку концертот на групата „Чалгија саунд систем“.
Во рамките на фестивалот беа прикажани и два музички документарни филмови – „Ќе пејам за тебе” (Je chanterai pour toi) и „Последната песна пред војната“ (The Last Song Before the War), филм кој збори за фестивал кој се одржувал во пустината Сахара пред немирите и граѓанската војна во Мали. Сите концерти се одржуваа во Младинскиот културен центар која што по зборовите на Оливер Белопета, директорот на Скопје џез фестивал кој е и организаторот на „Оф фест“, МКЦ е единствената адекватна локација во моментот во Скопје, каде можат да се организираат вакви концерти. И по 34 години одржување на Скопје џез фестивал и по 14 години успешно организирање на „Оф-фест“, Скопје остана без концертна сала, а нема ниту летна сцена каде би можеле да се одвиваат вакви културни содржини.
„Оф-фест“ е фестивал кој пружа единствена можност публиката да ја чуе музиката што се создава од други краишта во светот, да е запознае со поинаква музичка култура. „Оф фест“ е членка на организацијата „Европски форум на светските фестивали“ (European Forum of Worldwide Music Festivals). Во релативно краткиот рок на постоење на „Оф фест“ од 14 години, фестивалот донесе многу музички групи и познати имиња од областа на музиката, а таа бројка не е мала. Ке споменеме неколку: Asfel Boucum, David Byrne, Madredeus, Eliades Ochoa, Spiritualized, Asian Dub Foundation, Mercury Rev, Cibelle, Mariza, Aynur, Savina, Noreum Juan De Marcos Afro-Cuban All Stars, Cesaria Evora, Transglobal Underground, Nacao Zumbi, Tartit, Zuco 103, LTJ Bukem, Gilles Peterson, Habib Koite, Lee Scratch Perry, Los De Abaho, Massive Attack, Gotan Project, Marcos Valle, Mercan Dede, Ondatrópica, Kimmo Pohjonen, Balkan Beat Box, Bebel Gilberto, Vieux Farka Ture, Señor Coconut & His Orchestra, Daniel Waro, Orchestra Baobab, Gang Of Patti Smith, Yannatou, Ensemble Tirana, Gangbe Brass Band, , Lila Downs, Rodrigo Leão, A Filetta, Yamandu Costa, Seun Kuti & Fela Egypt 80Gerardo Nuñez, Terakaft, Mercedes Peon, Erkan Ogur/Derya Turkan, Laetitia Sadier, Four, Melingo, Tortoise, Tamikrest, Anoushka Shankar, Taksim Trio, Brina, Aziz Sahmaoui & University of Gnawa, Susana Baca, Machi, Amadou & Mariam, Tori Ensemble, Тони Китановски и Черкези, Љубојна, Баклава, Зоран Маџиров, Фолтин, Драган Даутовски квартет, Проект Жлуст.
Автор:
Слични статии
-
-
МУЛТИЗНАЧНОСТА НА СЛОВЕНЕЧКИОТ ТЕАТАР
10 април, 2023 -
Театарската суштина на човечкиот идентитет
17 октомври, 2022 -
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
