Последниот концерт од годинашните „Денови на македонска музика“ (ДММ) што беше посветен на еден од најголемите македонски композитори, неодамна починат, Љубомир Бранѓолица, (1932 – 1923), се одржа вчера во камерната сала на Македонската Филхармонија.
Под диригентската палка на Борјан Цанев, гудачкиот оркестар изведе дела за гудачки оркестар од богатиот опус на познатиот композитор Љубомир Бранѓолица, а солисти на концертот беа, Марјан Милошевски – фагот, Тања Петрушевска – обоа, Здравко Ангелов – кларинет и Мартин Димитров – виолина.
На концертот беа присутни претставници на дипломатскиот кор во Република Македонија, претседателот на државата, Стево Пендаровски, членови на семејството Бранѓолица, членови на хрватската заедница во Македонија, членови на Сојузот на композитори на Македонија, новинари, музиколози, музички критичари и други. Во уводниот збор, Вукица Костоска Пенева зборуваше за обемното творештво на плодниот композитор, кој со својот импресивен обемен музички опус од 400 музички дела од различен жанр, остави голема трага во историјата на македонската музика но и пошироко на овие простори. Неговите дела се препознаваат по различните аранжмани и музички изрази, кои со својата мелодија и оркестрација комбинираат елементи и на традиционалниот фолклор и на џезот. Покрај неговата посветеност на класичната музика, Љубомир Бранѓолица компонираше импресивни 19 целосни балети и бројни концерти за различни музички инструменти, опери, камерни и хорски композиции, тој остави белег и во забавната популарна музика како и во теоријата на композицијата, книга за балет, поезија и музика за филмови, музика за деца.
Големото музичко наследство на маестро Љубомир Бранѓолица, е сочувано на онлајн платформата подготвена од Андреј Блажевски, со што се ставени на располагање на голем број партитури за понатамошното претставување делата на Љубомир Бранѓолица кој, со неговото појавување на музичката сцена и, во текот на неговата 70 годишна континуирана активност, остави голема ризница на дела што се карактеризираат по импресивната синтеза на жанрови и музички изрази.
Несомнено е дека Љубомир Бранѓолица е уникатна фигура на македонската музичка сцена во втората половина на дваесеттиот век. Неговото богато музичко творештво е плод на повеќе влијанија, тенденции и животни ситуации. Бранѓолица е несомнено еден од најплодните и најзначајни автори на 20-тиот век во македонската музика, не само во класичната, туку и во сите останати музички жанрови.
Концертот „Омаж на Љубомир Бранѓолица“ е во организација на СОКОМ, под покровителство на Претседателот на РСМ и се реализира со поддршка на Министерството за култура и НУ Филхармонија.
Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
