На третото издание на Скопскиот поетски фестивал, што ќе се одржи од 24 до 28 септември ќе настапат поети од Данска, Малта, Франција/Сирија, Хрватска и од Србија, како и повеќе од 50 домашни поети. Фестивалот официјално ќе биде отворен на 27. септември во 20:00 часот во МКЦ со настанот наречен „Воздух. Ветер. Дишење. Во текот на петте фестивалски дена содржините се планирани на неколку локации во Скопје, и тоа во Младинскиот културен центар, во киното „Фросина“, во градската библиотека „Браќа Миладиновци“ и во кафе-книжарницата „Буква“.
Во програмата на фестивалот се опфатени неколку поетски читања, како и промоции на книги, изложба на фотографии, ќе бидат прикажани неколку поетски филмови, ќе има музички концерт, мастерклас или работилница за креативно пишување поезија, панел-дискусија за зголемување на видливоста на македонската книжевност во странство и јога во природа со поетска медитација.
Годинешното издание на фестивалот го овозможија Министерството за култура и „Традуки“, а негови помагатели се Младинскиот културен центар ‒ Скопје, градската библиотека „Браќа Миладиновци“ ‒ Скопје, кафе-книжарницата „Буквa“, Хрватското друштво на писатели (HDP), ПНВ Публикации и Бест Вестерн Хотел Турист. Медиумски покровител е „Нова Македонија“, а медиумски партнер е „Култура Бета“.
Подолу се деталите од програмата.
Со радост ве очекуваме!
СКОПСКИ ПОЕТСКИ ФЕСТИВАЛ 2023 ‒ ПРОГРАМА:
27.09.2023.
Градска библиотека „Браќа Миладиновци“, Скопје (конгресна сала) | 11:00
• Мастерклас/работилница за креативно пишување поезија, што ќе ја одржи Имануел Мифсуд, поет и универзитетски професор од Малта, наменета за млади.
Младински културен центар ‒ Скопје (кино „Фросина“) | 18:00
• Промоција на „Ново раѓање на зборот (антологија на младата македонска поезија)“ приредена од Весна Мојсова-Чепишевска и Иван Антоновски со поетско читање на застапените млади поети и поетеси. Ќе читаат: Калиа Димитрова, Михајло Свидерски, Павлина Атанасова, Моника Стојановска, Диме Данов, Ивана Јовановска, Андреј Медиќ Лазаревски, Викторија Ангеловска, Марија Велинова, Иван Иванов, Стефан Костовски, Марија Грубор, Никола Дуковски, Сара Ѓорѓијоска, Благица Трајкоска, Софија Тодороска, Марија Јанчевска, Марија Ангеловска, Горазд Китановски ‒ Кени, Никола Наумовски, Филипа Сара Попова, Пепи Стамков, Љубица Петровска, Сатја Александар Давитков, Емануела Ковачевска Китановска, Дамјан Златановски, Јована Стаматовска, Макрина Јорданова, Драгана Стојадиновска и Андреј Ал-Асади.
Младински културен центар ‒ Скопје (кино „Фросина“) | 20:00
• Официјално отворање: „Воздух. Ветер. Дишење.“
Ќе читаат: Санде Стојчевски, Лулзим Хазири, Моника Стојановска, Перица Сарџоски, Игор Трпчески, Николина Андова Шопова, Драгослав Дедовиќ, Лана Деркач, Ален Брлек, Марам ал-Масри, Имануел Мифсуд, Мартин Глаз Серуп и одбраниот/одбраната на „Отскочна даска“.
Читањето ќе биде придружено со музичка импровизација на дувачки инструменти. Ќе свират Перица Сарџоски, Владимир Мартиновски и Владимир Лукаш.
28.09.2023.
Градска библиотека „Браќа Миладиновци“, Скопје (спомен-соба „Т’га за југ“) | 11:00
• Out & About ‒ панел дискусија за зголемување на видливоста на македонската книжевност надвор од границите на земјата преку преводи и учество на книжевни фестивали – искуства ќе споделат издавачи, автори и организатори на литературни фестивали. Ќе учествуваат: Билјана Црвенковска, Тодорче Тасевски, Владимир Јанковски, Петар Андоновски и др.
Младински културен центар ‒ Скопје (кино „Фросина“) | 18:00
• Промоција на „Избор из савремене македонске поезије“, приредила и препеала на српски – Валентина Бакти. Поетски перформанс и кус разговор со приредувачката Валентина Бакти и со Ѓорѓе Живадиновиќ Гргур, како и поетско читање на дел од застапените поети: Јовица Ивановски, Владимир Мартиновски, Тихомир Јанчовски, Тони Попов, Јосип Коцев, Наташа Сарџоска и Ненад Јолдески.
• Отворање на изложба фотографии на Радмила Ванкоска (портрети на поетите застапени во изданието).
Младински културен центар ‒ Скопје (кино „Фросина“) | 19:00
• Проекција на поетски филмови:
‒ „Кршливоста е дар, смртта е нестабилна, а светот е жеден за збор“ („Рањивост је дар, смрт је нестабилна, а свет је жедан речи“) ‒ филм на Ѓорѓе Живадиновиќ Гргур.
‒ Омнибус четири анимирани филмови НЕБИДНИНА, посветени на поезијата на Ацо Шопов: „Долго доаѓање на огнот“ во режија на Жарко Иванов, „Грозомор“ во режија на Крсте Господиновски, „Небиднина“ во режија на Иван Ивановски и „Во сонот на црната жена“ во режија на Владимир Лукаш.
Младински културен центар ‒ Скопје (кино „Фросина“) | 20:00
• Интернационално поетско читање
Учесници: Марам ал-Масри (Франција/Сирија), Имануел Мифсуд (Малта), Лана Деркач (Хрватска), Мартин Глаз Серуп (Данска), Николина Андова Шопова (Македонија), Драгослав Дедовиќ (Србија) и Ален Брлек (Хрватска).
• Краток музички концерт на Александар Бошков (гитара).
25 – 28.09.2023. Градски парк, Скопје | 09:30 ‒ 10:15
• Утринска јога со поетска медитација водена од Марија Георгиева.
ПРЕДНАСТАН:
24.09.2023. кафе-книжарница „Буква“ | 20:00
• „Отскочна даска“ – настан за млади поети на возраст од 16 до 25 години. Ќе читаат: Ангела Бошкоска, Сатја Александар Давитков, Софија Добревска, Дамјан Златановски, Христијан Илиевски, Дарија Јовановска, Макрина Јорданова, Марко Иван Кочишки, Ива Петреска, Теодора Прокоповска, Милена Сиљаноска, Стефан Спасевски, Пепи Стамков, Сара Стојановска и Методија Тасевски.
• „Неисцрпен ‒ tribute to Бошко Бозаџиевски“ (15 години од смртта) – поетско-музички перформанс на ВИС „Тркалезна маса“.
Инфо:
Дел од учесниците од странство пред фестивалот ќе бидат претставени и со промоции на нивни книги преведени на македонски јазик
во организација на издавачката куќа „ПНВ Публикации“
25.09.2023. Младински културен центар ‒ Скопје | 19:00
„Во препев #1“ ‒ промоција на три книги во соработка со ПНВ Публикации:
• „Слободата чекори гола“ од Марам ал-Масри (Сирија/Франција),
• „На околу два и пол часа од рајот“ од Имануел Мифсуд (Малта) и
• „13 Хрватски поети (избор од современата хрватска поезија)“, со Лана Деркач (Хрватска).
Поетско читање и разговор за предизвиците и задоволствата од преведувањето на делата помеѓу преведувачите Јулијана Величковска, Владимир Мартиновски, Славе Ѓорѓо Димоски и Ѓоко Здравески, и авторите Марам ал-Масри, Имануел Мифсуд и Лана Деркач.
26.09.2023. Младински културен центар ‒ Скопје | 19:00
„Во препев #2“ ‒ промоција на три книги во соработка со ПНВ Публикации:
• „Земјата под абажур“ од Драгослав Дедовиќ (Србија),
• „САНГ“ од Ален Брлек (Хрватска) и
• „Полето“ од Мартин Глаз Серуп (Данска). Поетско читање и разговор за предизвиците и задоволствата од преведувањето на делата помеѓу преведувачите Јовица Ивановски, Ѓоко Здравески и Јулијана Величковска, и авторите Драгослав Дедовиќ, Ален Брлек и Мартин Глаз Серуп
Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
