За нас / Импресум

Култура
Почетна / Насловна / Настани / „Налепница“ на Георги Уунковски освои шест награди во Италија: најдобар; филм, режија, сценарио, актер, монтажа и награда од публика

„Налепница“ на Георги Уунковски освои шест награди во Италија: најдобар; филм, режија, сценарио, актер, монтажа и награда од публика

— 11 август, 2020

Краткиот македонски филм „Налепница“ по сценарио и режија на Георги М. Унковски, освои шест награди на фестивалот на кратки филмови Апулија во Италија со што стана најдобар филм на овој фестивал. „Налепница“, во кој главната улога ја игра Сашко Коцев, ги освои наградите за најдобар филм, најдобра режија, сценарио, најдобар актер, монтажа (за Мартин Иванов), како и наградата од публиката. 

Во интервју со овој млад режисер, од пред неколку месеци, Унковски рече дека очекува „Налепница да има долг фестивалски живот.

„Потпишавме договор со дистрибутерска фирма од Франција, која застапува кратки филмови, такашто тие  го преземаат филмот и ќе водат сметка за негова дистрибуција по фестивали. Засега, филмот е примен на фестивал во Турција, потоа на фестивалот во Кливленд, на филмскиот фестивал во Флорида, на Московскиот фестивал… Чекам известувања и за други фестивали и, очекувам „Налепница“ да има долг фестивалски живот.

Георги М. Унковски: „Очекувам „Налепница“ да има долг фестивалски живот

Кинематографер е Наум Доксевски, сценографијата е на Кирил Спасевски, костимите на Роза Трајческа, додека на маската и шминката на главниот лик работеле Снежана Ангеловска и Ирена Сенокозолиоска. Дизајнот на звук е на Сашко Потер Мицевски. Георги М. Унковски е роден 1988, во Њујорк, тој е син на театарскиот режисер Слободан Унковски и психологот Лина Ќостарова-Унковска. Студирал фотографија на Институтот за технологоија во Рочестер, САД, а магистрирал режија на Универзитетот ФАМУ во Прага, Чешка. 

Филмот во јанури имаше премиера на годинашниот престижен американски фестивал на независни филмови Санденс, освен шесте награди во Италија, претходно доби престижна награда во Словачка, а во јуни доби награда за најдобар краток филм на Филмскиот фестивал во Бруклин.  „Во снимањето филмови најчесто се инспирирам од Македонија, од Скопје, градот кој има многу голем контраст во луѓето и во начинот на живеење, како и неверојатна бирократска машинерија. Така што, овој филм е микс на еден вид потрага по среќа и искупување, но е и еден вид социјален коментар на општеството. На крајот, филмот е за љубовта помеѓу татко и ќерка“, вели Унковски.  Во продукција на „Синема футура“, филмот се снимал шест дена на повеќе локации низ Скопје. Главната улога ја игра Сашко Коцев, а во екипата се и Мони Дамевски, Џевдет Јашари, Љупчо Тодоровски-Упа, Соња Стамболџиоска, Димитрија Доксевски, Калина Димитриовска, Анастасија Аневска и Матеј Настевски.

Tagged with:

Автор:

Kултура

Слични статии

Последни статии

Архива