Започна првиот форум за копродукции на документарни филмови на „МакеДокс“
— 26 август, 2019На годинешното јубилејно издание на „МакеДокс“, од вчера, 25 август започна првиот форум за копродукции на документарни филмови – MakeCoProDox Forum, кој ќе трае 3 дена, заклучно со утрешниот ден, 27 август и е во организација на фестивалот на креативен документарен филм „Македокс“, Агенцијата за филм на Северна Македонија и Медиа Деск МК.
Поздравувајќи ги присутните претставници на филмски фондови, продуценти и автори, селекторката на „Македокс“, Петра Селишкар рече дека форумот е еден од новите слоеви на фестивалот со намера да се поттикне и воспостави копродукцискиот модел на продуцирање на документарните филмови, не само во нашата држава, туку и во регионот. Форумот се одржува во Младинскиот културен центар во Скопје.
Првиот сегмент на форумот го опфати претставувањето на три филмски фондови од нашиот регион. Арбен Жарку ја претстави работата на Кинематографскиот центар на Косово, Сехад Цекиќ ја презентираше работата на Филмскиот центар на Црна Гора, додека Ана Василевска зборуваше за копродукциските активности на Агенцијата за филм на Северна Македонија. Модератор на презентациите беше Бригид О’Шеј.
На форумот присуствуваат и Хеле Хансен, комесар од Норвешкиот филмски институт, Лиза Ниед од „Скане“ (Шведска) и Сорен Тарп од Данскиот филмски институт. Пред учесниците на форумот тие ќе ги презентираат можностите на нивните фондови за поддршка на копродукциите на документарни филмови за продуценти од нашиот регион. На форумот присуствуваше и директорот на македонската Агенција за филм, Горјан Тозија.
На првиот ден од форумот посебни термини за презентација имаа Мартичка Божилова, која зборуваше за Балканскиот документарен центар и „Агитпроп“, додека македонскиот продуцент Атанас Георгиев и Лорен Кушнер, од Документарниот филмски фонд од Сан Франциско (САД), зборуваа за соработката што ја остварија во промоцијата на најуспешниот македонски документарец оваа година – „Медена земја“ на режисерите Тамара Котевска и Љубомир Стефанов.
Главна тема на 10. „Македокс“ е филмската копродукција и во таа насока се организира форумот, но беше одржана и работилницата „Идеи преку граници“ со Јана Цисар. Учесниците на работилницата од 22 до 24 август во Даут Пашин Амам имаа можност да ги разменат своите искуства, но и да стекнат нови низ разговорите со продуцентката Цисар.
„Целта на работилницата за копродукција беше да се откријат причините поради кои одредена идеја би требало да се реализира како партнерство со повеќе продуценти. Често има идеи кои е подобро да се реализираат со еден продуцент, бидејќи апликациите за копродукција секаде се различни и секогаш се сложени, така што може да се искомплицира целата работа.
На оваа работилница имавме интересна структура на учесниците. Од една страна беа Докуникулците на „Македокс“, кои се млади и на кои продуцирањето и финансирањето на документарни филмови им е непозната област, а од друга страна имавме режисери и автори кои имаа проекти во развој и сакаа да најдат нови копродуценти на нивните филмови. По меѓусебното запознавање на сите учесници отворивме дискусија од која мислам дека сите научија нешто ново за копродукцијата на документарни филмови“, заклучува Јана Цисар.
Кулминација на првата половина на десетото издание на „Македокс“ беше мастер-класот на Виктор Косаковски. На неконвенционален и луциден начин Косаковски зборуваше за состојбите во актуелното човеково општество, нагласувајќи дека во животинскиот свет има природен систем за егзистенција и опстанок, додека човекот ги создал атомската бомба, автоматската пушка Калашников, концентрационите логори, дека луѓето ги усовршиле вештините на лажење, крадење и измама, а нивото на сензитивност и емпатија им паднало толку ниско што веќе ниту нечие убиство не поттикнува никакви емоции.
Зборувајќи за филмот „Акварела“ истакна дека се снимало во екстремно опасни услови, дека во филмот е снимена смртта на еден човек, а при снимањето изгубиле една камера Алекса во океанот. Станува збор за високобуџетна продукција реализирана со шестчлена филмска екипа.
Автор:
Слични статии
-
-
-
Мастер клас на Чехињата Хелена Тшештикова на МакеДокс
21 август, 2022 -
Последни статии
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
