Режисерот Лордан Зафрановиќ гостин на Кинотека
— 29 март, 2018Познатиот хрватски режисер Лордан Зафрановиќ ќе дојде во Скопје, каде почнувајќи од трети, заклучно со петти април, ќе биат прикажани неколку негови филма. Тој доаѓа на покана од Кинотеката на Македонија и Факултетот за драмски уметности. Зафрановиќ остана трајно запамтен по филмовите Окупација во 26 слики, Падот на Итлија и добитник е на многу награди. Тој е еден од најзначајните југословенски режисери и заедно со Горан Марковиќ, Горан Паскаљевиќ, Срѓан Карановиќ, Рајко Грлиќ, а подоцна ќе им се придружи и Емир Кустурица, припадник е на таканаречената Прашка школа – движење што ги произведе можеби најдобрите југословенски филмови.
Првиот филм од циклусот Гостин со причина, кој ќе биде прикажан на 3 април, е токму Окупација во 26 слики, а освен како режисер на овој филм, Зафрановиќ се потпишува и на сценариото заедно со Мирко Ковач, Филип Давид и Стипе Гурдулиќ. Ова е еден од најконтроверзните филмови во Југославија и предизвика бурни реакции. Зборува за тројца млади луѓе – Хрват, Италијанец и Евреин, кои се најдобри другари во предвоениот Дубровник. Кога нивната држава е окупирана од нацистите и нивните сојузници, идиличниот град станува место на терор и немилосрдни масакри. Пријателите мораат да заземат различни страни во светскиот конфликт. Овој филм влезе во селекцијата на Канскиот филмски фестивал во 1979 година. А на фестивалот во Пула освои награди за најдобар филм, режија и за камерата на Карпо Година. Проекцијата на филмот во Кинотеката ќе се одржи на 3 април, во 19 часот.
На 4 април ќе бидат прикажани два филма на Зафрановиќ, и тоа „Недела“ во 18 часот и „Падот на Италија“ со почеток во 20 часот. Филмот „Недела“ првиот филм на Лордан Зафрановиќ, се смета и за прв во Прашката школа и во главна улога се појавува Горан Марковиќ, режисер на култните „Национална класа“, „Собирен центар“, „Веќе видено“…
Филмот раскажува приказна за група млади луѓе кои цел ден лудуваат по улиците на едно јадранско пристаниште, водат љубов, се задеваат, јадат и пијат, за да на крај, украдат еден автобус и во еуфоријата на нивната деструктивност се фрлат во морето што во манир на надреализмот симболизира воскреснување. „Падот на Италија“ е филм за партизански командир кој мора да го застрела својот другар војник. Ова се случува бидејќи тој се откажал од борбата и се предал на живот полн со грев и страсти. Меѓутоа, со капитулацијата на Италија во септември 1943 година, војната се чини завршена за многу војници, а меѓу нив е и командирот. Овој филм ја доби наградата „Златна арена“ на филмскиот фестивал во Пула во 1981 година.
Последниот ден од циклусот, 5 април со почеток во 19,30 часот ќе биде резервиран за „Вечерни ѕвона“, третиот дел од воената трилогија (Окупација во 26 слики, Падот на Италија, Вечерни ѕвона) во кој главните улоги ги играат Раде Шербеџија, Петар Божовиќ, Миодраг Кривокапиќ и Петре Прличко. Филмот е базиран на романот „Врата од утробата“ на Мирко Ковач – роман кој во 1978 година го добива најпрестижното литературно признание во Југославија – Наградата на НИН од критиката.
Пред проекцијата на 5 април филмот, ќе се одржи разговор со Лордан Зафрановиќ, ќе го води проф. д-р Наум Пановски. Во рамките на посетата на Зафрановиќ во Македонија, Факултетот за драмски уметности од Скопје организира средба во нивните простории на 3 април, со почеток во 11 часот.
Автор:
Слични статии
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
