Музиката може и да се гледа
— 30 март, 2018Идејата да се оплеменат некои од т.н. концертни простори во Скопје, а кои во суштина и не се наменети за музички настани, да се создаде амбиент во кој музиката може да се слуша (гледа) и на малку поинаков начин, понекогаш да му се даде на звукот различна функција во конекција со други уметнички изрази, беше реализирана на Концертот на млади насловен „Монохроматика“ кој се одржа прексиноќа во Даут пашиниот амам. Претесна беше салата да ги собере сите оние кои дојдоа на овој навистина интересен настан, затоа и голем дел од посетителите се обидоа да ја слушаат музиката, колку што беше тоа возможно, од надвор.
Првиот впечаток секако беше алтернацијата на просторот – инструментите (сцената) поставени во круг маркиран со огледала низ кои се рефлектираа инвентивните светлосни ефекти. Тоа можеше да се доживее како асоцијација на танц на светла со звучни аликвоти, или да се размислува за кругот како симбол на единство и бескрај, заедништво, перфекција или револуција, нешта кои ги карактеризираа и изведените композиции таа вечер, и секако младите изведувачи.
Прозвучеа дела на композитори од различни генерации – Тодор Скаловски („Приспивна“, за сопран и пијано) и Драгослав Ортаков („Таурус“, за перкусии и пијано), автори кои ги поставија темелите на македонската современа музика, вториот од нив и на електронската, потоа на композитори кои иако се млади, веќе се длабоко навлезени во магијата на творештвото, можеби повеќе од две децении – Дарија Андовска („Молитва“, за сопран и пијано), Александар Пејовски („Glassless Sakamotional“, за пијано), Горан Начевски („7 звуци на осаменост“, за пијано), како и најновите творби на новата генерација композитори кои неколку години наназад ги претставуваат своите дела на Деновите на македонска музика – Андреј Блажевски („Акварели“, за пијано), Маријана Јаневска („Виолетова визија“, за пијано), Никола Коларовски („Како што сеќавањата бледнеат“, за пијано), Ангел Спироски („Permafrost“, за пијано) и Антоние Весковски („Rapids“, за перкусии). Автори на креативната визуелна инсталација, пак, беа Ема Велковска и Ангела Стефановска. И покрај временската детерминираност на создавање на делата, се чини како тие да поседуваа врзивна стилска нишка и во целиот тој магичен амбиент се создаде интересна средба на времето и просторот. Слушнавме дела пишувани во традиционален стил, дела со експресионистички израз, некои експериментални, некои со влијание од старите мајстори, некои со тенденција да го редефинираат траењето, мелодијата, ритамот, некои налик на синестетско патување низ убави реални и надреални предели…
Но, она што беше најважно, е што на концертот се чувствуваше љубов. Спој на пријателство, музика, елан и ентузијазам. А, таа енергија ја донесоа особено изведувачите, младите студенти од Факултетот за музичка уметност, талентирани музичари со очигледно јасна визија за еклектичноста на современата музика, со силна желба за откривање на нови музички хоризонти – прекрасните Ива Дамјановски, Ема Ананиевска, Тамара Коминовска – пијано, Верица Ајтовска – виола, Антоние Весковски – перкусии, Ивана Стојановска – сопран.
Проектот „Монохроматика“ беше успешна соработка на студентите од Факултетот за музичка уметност, Машинскиот и Архитектонскиот факултет, нивна самоиницијативна организација, со цел, како што и самите ќе кажат, да се интензивира уметничкото доживување на публиката на концертите на класична и современа музика преку вклучување на вонмузички елементи. Оваа прекрасна синергија на звуци, бои, светло, сценографија, и тоа како треба да биде репер за тоа, како можат во иднина да „звучат“ современите дела на ДММ. Тоа не е прогресивност, не е нешто што не е практикувано, а сепак е придонес кон рушење на зидините меѓу композиторот-изведувачот-публиката, значи слободна интеракција со идеја да се прифати современата музика без предрасуди.
Автор:Тина Иванова
Автор:
Слични статии
-
-
-
Концерт на Македонска филхармонија „Бетовен: Редефиниција“
25 февруари, 2021 -
Концерт на Македонска филхармонија со дела од Манчев и врвни класици
9 декември, 2020
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
