Македонска филхармонија со симфониски концерт по повод 73-ти роденден
— 23 ноември, 2017По повод нејзин 73-ти роденден, Македонската филхармонија утре (петок) ќе одржи симфониски концерт со наслов „Среќен ти роденден!“
На програмата се дела од, македонскиот композитор Панде Шахов, Прелудиум за оркестар бр. 2, виртуозниот Концерт за виолина и оркестар бр. 1 од Карл Голдмарк, на кој како солист ќе настапи македонскиот истакнат виолинист Љубиша Кировски и познатата поема „Американец во Париз“ од Џорџ Гершвин.
Македонскиот композитор, припадник на средната генерација музички автори, Панде Шахов, живее во Англија и предава група академски предмети на Кралскиот колеџ за музика во Лондон. Неговиот „Прелудиум“ бр. 2 е напишан во 2004 година, на поттик од диригентот Борјан Цанев, специјално за концертот на Софиската филхармонија во јануари 2005 година. Втор е од серијата четири прелудиуми, кои може да се изведат поединечно или како циклус. И, ова е прво оркестарско дело на Шахов во кое мелодискиот и ритмичкиот материјал е директно инспириран од фолклорот. Концертот за виолина и оркестар бр. 1 оп. 28 од унгарскиот композитор Карл Голдмарк (1830–1915) е создаден во 1877 година, а премиерно бил изведен истата година во Бремен. Подоцна, Голдмарк напишал и втор концерт за виолина, но тој никогаш не бил објавен, бидејќи се верува дека е изгубен. Станува збор за мошне романтично дело кое почнува со унгарски марш и пасажи кои потсетуваат на естетиката на Дворжак и Менделсон во вториот и третиот став. Често е сместен на репертоарот на врвните виолинисти, меѓу кои и во програмата на Џошуа Бел.
Симфониска поема „Американец во Париз“ (1928) е опишана како симфонизирана џез-музика. Додека ја создавал, Гершвин се инспирирал од преубавиот Париз додека престојувал во него извесно време. Завршена е само четири недели пред премиерата во прочуената „Карнеги хол“ во Њујорк, во изведба на Њујоршката филхармонија под диригентство на Волтер Дамрош. На концертот ќе му претходи кус ретроспективен осврт на историјатот на Македонската филхармонија на музикологот Марко Коловски, а ќе биде најавена и скорешната изложба на фотографии наречена „Маестро“, посветена на најзначајните диригенти на Македонската филхармонија. Спонзор на првата едиција „Маестро“ е „Арс Ламина“. Македонскиот истакнат виолинист Љубиша Кировски дипломира на Факултетот за музичка уметноство во Скопје во класата на проф. Зоран Димитровски, во чија класа и магистрира со посебна пофалба Кум Лауде. Особено е забележителна неговата изведба на шесте сонати за соло-виолина од Е. Изаи во една вечер. Кировски настапувал како солист со Македонската филхармонија со концерти од Паганини, Виењавски, Шостакович и Хачатуријан во Скопје, Софија и во Сараево. Во 2001 година настапил во Санкт Петербург во рамките на „Денови на македонската култура“, со рецитал и како солист со оркестарот на Санктпетербуршката капела, во изведба на Концертот во А-дур од Моцарт. Во 2003 година настапил во Лондон со МАК-трио, додека во 2006 година реализирал концертна турнеја во шест градови во Шведска, како солист со Камерниот оркестар на Македонската филхармонија. Во 2012 година реализирал соло-концерт со дела за соло-виолина и виола. Кировски настапувал и како солист со Камерниот оркестар „Скопски солисти“ во изведба на концерти од Вивалди и Моцарт. Бил концерт-мајстор во Македонската опера и Македонската филхармонија. Моментно е редовен професор на ФМУ и водач на гудачкиот квартет „Гајдов“. Од 2011 година ја врши функцијата претседател на Сојузот на музичките уметници на Македонија. Веќе 24 години настапува во дуо со својата сопруга, пијанистката Маја Шутевска-Кировска. Од основањето до денес, дуото има реализирано бројни настапи надвор од Македонија – Хрватска, Србија, Полска, Италија, Швајцарија, Турција, Северен Кипар, Бугарија, Лондон, Њујорк, Германија, како и на фестивалите во Македнија. Во 1997 година дуото специјализира на Европската Моцарт академија во Варшава кај еминентни професори – Г. Такач, И. Роман, Г. Жислин и Г. Самољотов, додека кај професорите Павел Гилилов и Пјер Амојал на Летната академија во Лозана се усовршувале за изведба на сонати за виолина и пијано, каде што од страна на професорите биле избрани меѓу трите најдобри дуа. Во 1998 година ја добиле Специјалната награда на ЦЕИ (Централноевропска иницијатива), на Меѓународниот натпревар за камерна музика „Трио ди Триесте“ во Италија. Репертоарот на дуото опфаќа дела од барокот до музиката на 20 век со над 50 сонати за виолина и пијано. Дуото посебно го негува македонското музичко творештво и надвор од земјава, а досега има снимено и три компакт-дискови. Добитници се на наградите „Златна лира“ (2004), „Виртуози“ (2014) и „Георги Божиков“ (2014).
Автор:
Слични статии
-
-
„Мастерклас со Лајовиц“ вечер во Македонска филхармонија
5 ноември, 2021 -
Концерт на Македонска филхармонија „Бетовен: Редефиниција“
25 февруари, 2021 -
МКЦ ќе го прослави Роденденот на уметноста на 22 овој месец
21 јануари, 2021
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
