Започнува филмскиот фестивал 67. „Берлинале“
— 9 февруари, 2017Меѓународниот филмски фестивал во Берлин, 67 Берлинале ќе биде отворен денеска со филмот „Џанго”, деби остварување на францускиот режисер Етјен Комар. Во трка за „Златна мечка“ ќе се борат двајца ветерани, Волкер Шлендорф и Аки Каурисмаки, додека Македонија ќе се претстави со „Кога денот немаше име“ на Теона Митевска во програмата „Панорама“.
Годинешното Берлинале се разликува по тоа што годинава не донесе мега ѕвезди и блокбастери. Филмот на отворањето, „Џанго“ е а биографски музички филм на Етијен Комар за еден од пионерите на европскиот џез, чија музика и техника ќе извршат влијание и на американскиот џез. Жан Батист Рајнхарт (1910-1953), по потекло Ром, е роден во Белгија, а пораснал во циганските населби близу Париз. Познат по неговиот надимак Џанго уште како многу млад ќе настапува по париските сали, свирејќи на виолина и на гитара. На 18 години ќе биде повреден во пожар при што настрадале неговите два прста на левата рака. Упорен да ја продолжи својата музичка кариера како гитарист, тој ќе измисли сосем поинаков начин на свирење за да може да го постигне тоа што сака со три прсти. Овој легендарен џел музичар свирел ромска музика со елементи на џез и француската модерна а патот ќе го одведе во „Карнеги хол“ а во 1934 година со виолинистот Стефан Грапели ќе го основаат славниот квинтет Hot Club de France. Во тоа време настапувал во Европа и во САД со многу познати џез-музичари, меѓу кои и Дјук Елингтон. Етјен Комар е познат продуцент и сценарист, но, сега првпат се јавува и како режисер на филмот „Џанго“, кој е во конкуренција за „Златна мечка“. Музиката во филмот ќе ја оживее холандското „Розенберг трио“
Единствена земја која има три филма во главната конкуренција е земјата домаќин, Германија, со еден од ветераните, Волкер Шлендорф, познат по култниот „Лимениот барабан“. Волкер Шлендорф доаѓа со филмот Враќање во Монтаук“, филм за еден писател и неговата средба со жената, која ја среќава повторно по цели 17 години. Следниот е Андрес Веил кој ќе се претстави со биографскиот филм „Бојс“, за познатиот германски скулптор, теоретичар, авангарден уметник, Јозеф Бојс.Филмот „Светли ноќи“ на Томас Арслан е копродукција со Норвешка. Од Европа во главната програма се вклучени десет филма. Тука се, Романија, Португалија, Велика Британија, Полска, Унгарија, Финска и Австрија. Вториот ветеран е финскиот автор Аки Каурисмаки, кој обработува тема за бегалците со филмот „Во другата страна на надежта“ каде не бегалците ќе им помагаат еден покераш и еден трговски патник. Во трката за „Златна мечка“ е романскиот режисер Калин Петер Незер кој претходно ја има добиено оваа награда.
Жирито годинава го предводи провокативниот холандски режисер Пол Верховен, а меѓу членовите е и американската актерка Меги Гиленхал, потоа германската Џулија Јенч, која ја играше Софи Шол, мексикански актер Диего Луна.
Македонија ќе биде претставена со филмот на Теона Стругар Митевска и со една копродукција. „Кога денот немаше име“ на на 14 февруари во киносалата „ЗОО Паласт“. Она што предизвика големо внимание во Македонија е најавата дека филмот е инспириран од настаните кај Смилковско Езеро. Второто остварување е „Реквием за г-ѓа Ј“ на Бојан Вулетиќ од Србија, во кој Македонија е копродуцент.
На црвениот тепих ќе ги видиме и Ричард Гир, Итан Хок, Пенелопе Круз, Хју Џекман и Роберт Патинсон. Македонија, исто така, ќе има свој претставник на фестивалот, а тоа е филмот во српско-бугарско-македонска копродукција „Реквием за госпоѓа Ј.”, по сценарио и режија на Бојан Булетиќ.
Автор:
Слични статии
-
-
-
„Златна мечка“ за Израелецот Надав Лапид
19 февруари, 2019 -
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
