Објавени добитниците на годишните награди на ДПМ
— 1 февруари, 2017Друштвото на писатели на Македонија (ДПМ) денеска ги соопшти добитниците на наградите за најдобри книжевни остварувања во 2016 година. Наградата „Ацо Шопов“ за најдобра поетска книга и е доделена на Гордана Михаилова Бошнакоска за стихозбирката „Песна на ридот“, наградата „Стале Попов“ за најдобра прозна книга ја доби Лилјана Пандева за романот „Доилката“, наградата „Димитар Митрев“ за најдобра книга од областа на литературната критика и есејот и е врачена Кристина Николовска за „Светлинска“, додека наградата „Ванчо Николески“ за најдобра книга за деца и млади ја доби Александар Поповски за стихозбирката „И по сто пати“.
Како што беше речено на прес-конференција, наградите на авторите ќе им бидат свечено доделени на 16 февруари, Денот кога се одбележува формирањето на ДПМ. Михаилова Бошнакоска е присутна во македонската поезија преку 50 години и има напишано 15 книги. – Оваа значајна награда го одбележува целиот мој творечки век, истакна таа.
Според Пандева, „Доилката“ е современ роман исто како што е и првиот роман на Стале Попов, „Крпен живот“. – „Доилката“ базира на информации, факти, раскажува историска приказна што се случила многу одамна, нагласи авторката.
За Николовска наградата „Димитар Митрев“, како што напомена, претставува највисока гордост. – Ова е потврда за сите мои повеќегодишни заложби и посветеност на литературата, јазикот, речта и книжевноста, посочи Николовска. И Поповски изрази благодарност за признанието. Овој долгогодишен уредник во „Детска радост“ рече дека е трагедија она што се случува денеска со литературата за деца. – Во времето на „Детска радост“ имаше години кога пристигнатите ракописи не можевме да ги сместиме во оние 20 до 25 проценти колку што предвидуваше годишната програма. За жал, денес ситуацијата со литературата за деца е сосема поинаква. Нашиот најмлад антологиски писател има 65 години, подвлече Поповски.
На прес-конференцијата претседателите на жири-комисиите ги прочитаа и образложенијата за доделените награди.
Автор:
Слични статии
-
-
„Книжевен жезол“ за поетите Весна Ацевска и Новица Ѓуриќ
18 февруари, 2023 -
Новите! 2020: шесте најдобри ракописи
21 декември, 2020 -
За романот „Одбројување“ на Фросина Пармаковска
16 март, 2018
Последни статии
-
Мирко Попов: „Мораме да се бориме за секој милиметар нормалност. Психички ни е неопходна таа борба. И музиката ни е неопходна.“
— 27 март, 2024Навикнат сум да живеам во комплетно недоразбирање со мнозинството. Порано мислев дека ако дадам сè од себе, во еден момент ќе се разбереме и ќе заживееме среќно и весело до крајот на животот. Тоа кога бев млад. Сега кога сум поискусен, кога можам да ги согледам дури и резултатите од сопствените залагања, јасно ми е…
-
Почина Слаѓана Милошевиќ иконата на новиот бран во поранешна Југославија
— 26 март, 2024На 69-годишна возраст почина Александра Слаѓана Милошевиќ, иконата на новиот музички бран во осумдесетите години во поранешна Југославија. Важеше за икона која ги рушеше сите табуа, а на пошироката јавност ѝ е најпозната по хит-нумерата „Принцеза“ која во 1984 година ја сними со Дадо Топиќ. Вистински бум направи со антологискиот хит и спот „Мики, Мики“…
-
Почина Томислав Петернек, легендарниот фотограф кој ги овековечи последиците од скопскиот земјотрес
— 24 март, 2024Познатиот српски фотограф Томислав Петернек почина на 91-годишна возраст во Белград. Тој беше носител на највисоките титули во професијата и добитник на повеќе домашни и меѓународни награди, а неговите фотографии беа објавени во најзначајните светски весници, пренесува РТС. Томислав Петернек е роден 1933 година во Винковци, а со фотографија се занимава од 1954 година, пишува…
-
ПОЧИНА МИРКО ПОПОВ, ЕДЕН ОД ПИОНЕРИТЕ НА ЕЛЕКТРОНСКАТА СЦЕНА ВО МАКЕДОНИЈА
— 24 март, 2024Денеска по кусо боледување почина еден од највлијателните и најуспешни скопски диџеи, музичари, композитори, текстописци, издавачи и продуценти Мирко Попов. Попов е роден во 1972 година во Скопје. Израснат во Градски ѕид, како што и самиот велеше во неговото „кучкар маало“, почнува да купува плочи и ја засакува музиката уште од основното училиште, што логично резултираше со првите…
-
Лидија Димковска е добитничка на наградата Роман на годината за „Единствен матичен број“
— 15 март, 2024Романот „Единствен матичен број“ на Лидија Димковска е добитник на наградата „Роман на годината“ за 2023 година што ја доделува Фондацијата за унапредување и промоција на културните вредности „Славко Јаневски“. Објавувањето на добитникот на наградата се одржа денеска во кафе-книжарницата „Буква“, а за победникот одлучуваше жири-комисија составена од Влада Урошевиќ, Бранко Цветкоски, Марија Ѓорѓиева, Сашо…
-
Пет романи во најтесен избор за наградата „Роман на годината“
— 11 март, 2024„Единствен матичен број“ од Лидија Димковска („Три“), „Ако се родат некакви чувства: зборник за љубовта на Гоце и Јанка“ од Блаже Миневски („Матица македонска“), „Заборав“ од Томислав Османли („ВиГ Зеница“), „Сѐ уште можам нешто да сторам“ од Фросина Пармаковска („Или – или“) и „Зелениот дворец“ од Сибо („Арс Либрис“) се петте романи што се најдоа…
-
ВРЕДНОСТА НА СПОМЕНИТЕ И НЕДОРАЗБИРАЊЕТО
— 18 февруари, 2024(Кон претставата „Поткровје“, по драмскиот текст „Цена“ на Артур Милер во продукција и режија на Александар Ивановски во копродукција со Македонскиот народен театар од Скопје. Главни улоги: Томислав Давидовски, Хари Михајловски, Елена Кузманов, Горан Ников) Двоактната пиеса на Артур Милер е напишана во далечната 1967 година, веднаш по неговите големи пиеси со кои стекнува светска…
-
ОБЛАК ЧИСТА АКТЕРСКА ИГРА
— 13 февруари, 2024(Кон претставата „Бура и продор“ по концепт и режија на Теа Беговска, а во продукција на Интернационалниот театарски фестивал „Скупи“. Главни улоги: Илин Јовановски, Дениз Рустеми, Бојан Лазаров, Миа Кантарџиева Петровска, Тодор Стојковски, Дин Ибрахим) Најпознатата сентенца на Питер Брук во неговото капитално теоретско дело „Празен простор“ вели: „Можам да земам кој било празен простор…
