Избрани 23 дела на конкурсот за класична музика
— 5 декември, 2016Дваесет и три дела на 20 автори се избрани на Конкурсот на Министерството за култура за стимулација на творештвото од областа на класичната музика за 2016 година. Се работи за една од мерките од Националната стратегија за развој на културата, воведена во февруари 2014 година, со која се збогатува македонската композиторска традиција.
logo – MK1
На првиот конкурсен рок за 2016 година до Министерството за култура пристигнале 34 композиции за сите девет предвидени категории, а од доделените 23 награди, 11 се први, шест втори и шест се трети награди, со вкупен износ од 2,4 милиони денари.
Нив ги избрала стручна комисија во состав: Марко Коловски и Тина Иванова-Бејкова, како претставници од Сојузот на композиторите на Македонија, Бисера Чадловска и Иван Еминовиќ од Македонската опера и балет, Владимир Костов од Македонската филхармонија, и Џијан Емин и Кире Костов од Факултетот за музичка уметност.
Како што информира Министерството за култура, во категоријата Композиции во чест на Факултетот за музичка уметност, стручната комисија додели една награда: прва награда за композицијата на авторот Живоин Глишиќ.
Во категоријата Музичко-сценска композиција за Ансамблот за народни игри и песни „Танец“, стручната комисија додели една награда: прва награда за делото на композиторот Тодор Трајчевски.
Во категоријата Композиција за вокален солист(и) и симфониски оркестар во духот на македонскиот православен празник Божик, доделени се две први награди – за композициите на авторите Стојан Стојков и Тодор Трајчевски.
Во категоријата Композиција за Биг бенд, стручната комисија додели две награди: прва награда за делото на композиторот Владимир Николов и втора награда за делото на композиторот Тони Китановски.
Во категоријата Композиција за фиксен медиум доделени се три награди: прва награда за делото на композиторот Дарија Андовска, втора награда за делото на композиторот Кокан Димушевски и трета награда за делото на композиторот Андреј Блажевски.
За категоријата Композиција за квинтет доделени се три награди: прва за делото на композиторот Ана Пандевска, втора награда за композција на Фатос Љумани и трета награда за композиторот Маја Јовановска.
Во категоријата Композиција за трио, стручната комсија додели четири награди: први награди за делата на композиторите Ана Пандевска и Кокан Димушевски, втора награда за делото на композиторот Ангел Спировски и трета награда за дело на композиторот Гоце Гавриловски.
Во категоријата Циклус соло-песни, доделени се три награди: прва награда за дело на композиторот Дамјан Темков, втора награда за дело на композиторот Филип Иванов и трета награда за дело на композиторот Маријана Јаневска.
Во категоријата Композиција за мелодиски инструмент, стручната комисија додели четири награди: прва награда за дело на композиторот Маријана Јаневска, втора награда за дело на композиторот Љубомир Бранџолица и две трети награди за делата на композиторите Никола Коларовски и Дамјан Темков.
На четирите конкурсни рокови, спроведени во 2014 и во 2015 година, досега е поддржано создавањето на вкупно 91 композиција од 39 македонски автори, кои се наградени со износ од 10,4 милиони денари.
Тоа потврдува дека овој конкурс е можеби еден од најефективните што ги спроведува Министерството за култура во насока на соодветно вреднување и стимулација на творештвото на македонските автори. Досега на четирите конкурсни рокови кои се спроведоа во 2014 и во 2015 година е поддржано создавањето на вкупно 91 композиција од 39 македонски автори кои се наградени со износ од 10,4 милиони денари, што потврдува дека овој конкурс е можеби еден од најефективните што ги спроведува Министерството за култура во насока на соодветно вреднување и стимулација на творештвото на македонските автори. Министерството за култура и во иднина останува доследно на заложбите да води максимална грижа за македонските музички автори, стимулативно да го поттикнува творештвото, да го помага градењето на уметничката кариера на македонските уметници и презентирањето на нивното творештво во домашни и меѓународни рамки.
Автор:
Слични статии
-
-
Конкурс за расказ за млади автори
24 ноември, 2022 -
Конкурс за идејно-графичко решение за јубилејот „50 години МКЦ“
9 јануари, 2022 -
Награда за најдобар роман на Сашо Огненовски во Хрватска
16 ноември, 2021
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
