„Устав на Република Хрватска“ го освои Гран-прито во Монтреал
— 6 септември, 2016Хрватскиот филм „Устав на Република Хрватска“ („The Constitution“) на Рајко Грлиќ, чиј копродуцент е Дејан Милошевски и неговата куќа „Револушн продакшн“, го доби Гран-прито во Монтреал, кое носи и парични средства во износ од 100 илјади долари. Филмот, кој во Хрватска уште пред да се прикажува важи за еден од најзначајните филмови за оваа година, влезе во главната конкуренција за награди на 40. Филмски фестивал во Монтреал, кој се одржа од 25 август до 5 септември. Оваа година конкуренцијата во Монтреал беше доста силна, па меѓу 22-та филма кои се бореа за главните награди беше и последниот филм на аргентинскиот режисер Хектор Бабенко, потоа на Русинот Сергеј Снешкин, а тука беа и Ник Балтазар од Белгија, како и Солен Јусеф кој доаѓа од Курдистан.
Рајко Грлиќ
„Устав на Република Хрватска“ или „Љубовна приказна за омразата“ носи една интересна и невообичаена приказна за предрасудите и омразата спрема различностите. Дејствието е сместено во една зграда и фокусирано на животот на четворица луѓе сосем различни меѓу себе, како во поглед на социјалните и религиски вредности, така и во поглед на сексуалните навики, убедувања и предрасуди. Во филмот игра одлична актерска екипа, предводена од: Небојша Глоговац, Ксенија Маринковиќ, Дејан Ачимовиќ, а помала улога има и македонската актерка Јелена Јованова, која се појавува како полицајка.
Македонија преку „Револушн продакшн“ во филмот учествува со 10 проценти, и тоа 73 илјади евра од Агенцијата за филм и 42 илјади евра сопствен влог на копродуцентот Дејан Милошевски. Освен Јованова, и музиката во филмот ја потпишува македонски автор, Дуке Бојаџиев и таа е целосно снимена во Македонија. А исто така во Македонија се изработени и специјалните ефекти.
Да потсетиме дека Рајко Грлиќ е еден од култните југословенски режисери, од познатата Прашка генерација, кои во времето на 1970-тите и 1980-тите направија огромен пробив на југословенскиот филм и редица исклучителни, денеска култни дела. Меѓу нив секако се: „Браво маестро“, со кој Грлиќ влезе во главна конкуренција во Кан, потоа „Во челустите на животот“, „Чаруга“, „За среќа се потребни тројца“, „Нека остане меѓу нас“ и други. Пред 10 години Грлиќ ја снимаше „Караула“ во Македонија, во кој играа повеќе македонски актери, а продуцент од македонска страна беше Владимир Анастасов.
Интересно е дека во жирито кое одлучуваше за наградите во Монтреал беше и српскиот режисер Горан Марковиќ, кој исто така е дел од славната генерација југословенски филмаџии. Рајко Грлиќ ја доби главната награда, зад него со Специјалната награда на жирито и 50 илјади долари е Солен Јусеф и неговата приказна за Курдистан насловена „Куќа без покрив“.
За најдобар режисер беше прогласен Ник Балтазар од Белгија, кој беше вклучен во главната програма со филмот „Секој е среќен“, Наградата за најдобро сценарио отиде во Турција за „Swayng Waterlily“ на Серен Јуче, а за уметнички придонес во Јапонија за „Татара самурај“ на Јошинари Нишикори. Вилијам Дефо ја понесе наградата за најдобар актер за неговата улога во филмот на Хектор Бабенко „Мојот хинду пријател“, додека за најдобра актерка беше прогласена Хана Хекстра од Холандија за улогата во филмот „Фурија“ на Андре ван Дурен.
Небојша Глоговац
Годинава во Монтреал Хрватска доби уште една награда, и тоа за краткиот филм „Тишина“ на Дејан Мркиќ, која носи 5.000 долари, додека филмот од Косово на Дрен Зерка „Ехо“ го освои „Сребрениот Зенит“ во трката за најдобро деби. „Златниот Зенит“ му припадна на филмот од Киргистан „Волјата на таткото“ на Бакут Мукул и Дастан Запар. Целта на фестивалот во Монтреал, како што истакнуваат организаторите, а и што се потврди со овие награди и со самата селекција, е да ја охрабрат културната различност и разбирањето меѓу народите. Токму затоа Монтреал во својата програма ја промовира иновативноста, ги открива и охрабрува новите таленти и го поттикнува развојот на квалитетен филм, филм кој во себе ја носи вредноста и содржината и чие значење не изминува.
Филмот на Рајко Грлиќ „Устав на Република Хрватска“ ќе има премиера во Хрватска во октомври, а како што најавува Милошевски, во Македонија премиерата се очекува во ноември.
Автор: Сунчица Уневска за Text
Автор:
Слични статии
-
-
МУЛТИЗНАЧНОСТА НА СЛОВЕНЕЧКИОТ ТЕАТАР
10 април, 2023 -
-
Последни статии
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
