Стартува Охрид Филм Фест
— 10 јуни, 2016Со големо задоволство ве известуваме дека првото издание на Интернационалниот фестивал на ангажиран филм ОХРИД ФИЛМ ФЕСТ ќе се одржи во периодот од 10-15 јуни 2016, Охрид, Македонија.
Фестивалот ќе стартува денес (10 јуни) со прес – конференција во Центарот за култура „Григор Прличев“ во Охрид кој ќе биде најава за фестивалот. Вечерта како почесен гостин на фестивалот ќе допатува Лазар Ристовски кој ќе присуствува на региопналната премиера на филмот „Од другата страна“ каде тој ја има главната улога и е копродуцент на истиот филм, кој беше прикажан на Фестивалот во Берлин.
Директор на Интернационалниот Охрид филм фест е новинарката и филмски критичар, Сунчица Уневска, воедно и уредник и селектопр на Главната програма на фестивалот, селектор на програмата Видици е Марина Костова – новинарка и филмски критичар и селектоор на Кратката програма е филмскиот критичар Влатко Галевски.
Основан од граѓанската асоцијација за ангажиран однос кон филмската култура „Аквариус“, а во соработка со Филмската школа од Охрид, овој фестивал ќе биде своевидна платформа која ќе донесе и понуди новитети, не само во поглед на едукацијата на младите, туку и во развојот на новата македонска филмска продукција и воопшто на филмската култура.
ОИФФ е замислен како прв македонски интерактивен фестивал на кој главен таргет ќе бидат студентите од македонските филмски школи, но и од регионот, а подоцна и од Европа. Целта е движење и промена, размена и можност да се разговара директно со филмските автори за нивните дела и со еминентни имиња од светот на филмот кои ќе го споделат своето искуство. А една од главните цели ќе бидат и работилниците на кои ќе се развиваат проектите на младите филмаџии под менторство на стручњаци од одредени области.
ПРОГРАМА НА ПРВИОТ ФЕСТИВАЛ НА АНГАЖИРАН ФИЛМ
Фестивалот на ангажиран филм на првото свое издание планира четири програми, две работилници и една мастеркласа.
Првата програма ќе биде ИНТЕРНАЦИОНАЛНА, во која ќе биде направен избор на најдобрите филмови во светот од таа година кои предизвикале внимание, пред се, со својот јазик, а потоа со својата ангажираност, филмови кои предизвикале реакции, дискусии, донеле теми и отвориле хоризонти, филмови кои истражуваат, кои наметнуваат теми, кои носат поинаков пристап. Но, секако и филмови кои се издвоиле како извонредни и квалитетни дела, кои низ уметничкиот јазик успеале на таков начин да ја испреплетат реалноста и да отворат простори кои никого не можат да го остават рамнодушен. Оваа програма ќе биде компетитивна, каде што интернационалното жири ќе ги додели главните награди на фестивалот за најдобар и најефективен ангажиран филм.
Програмата ВИДИЦИ, како што кажува и самиот наслов, ќе се обиде да го пронајде, пред се, новиот уметнички јазик во третирање на ангажираните теми. Тоа може да донесе еден исклучителен спој, кој наедно ќе проговори за границите и нивното уривање во поглед на филмскиот јазик, но и за многубројните можности на раскажување приказни, приказни кои во себе носат дилеми, очекувања, приказни кои бараат, кои чекаат, приказни кои зборуваат за апсурдноста, за неправдите, приказни кои секогаш се од онаа друга страна на очекуваното.
Специјално за Охрид годинава ќе направиме програма посветена на градот и на филмовите кои се снимени во Охрид и за Охрид. Програмата е насловена „Охрид на филм“.
Фестивалот на ангажиран филм уште од првото свое издание планира да има ПРОГРАМА ПОСВЕТЕНА НА МЛАДИ односно СТУДЕНТСКА ПРОГРАМА, која ќе биде едукативна и која ќе понуди малку поинакви содржини. Годинава иако прва имавме навистина голем избор со оглед на тоа што на повикот на фестивалот се пријавија речиси 800 филма. Кратката програма годинав аопфаќа 44 наслови од цел свет, меѓу кои се вклучени и пет македонски филма.
Програмата ПОСВЕТЕНО годинава е предвидена за специјалната проекција на култниот македонски филм „Мирно лето“.
Првата година Фестивалот ќе има и програма насловена „Охрид на филм“. Во Охрид е востановена и Филмската школа ФАМУ што ќе го овозможи линкот со студентите. Филмскиот фестивал во Охрид ќе значи и збогатување на културната понуда, со оглед на тоа што во Охрид нема редовен кинирепертоар и со текот на годините уште поголема можност да се привлечат туристи. Охрид дава можност и за проекции на отворено и за едно посебно доживување, по примерот на многу други фестивали. А во иднина ќе воведеме и програма за млади, што во овој град ќе овозможи едукација и развој на филмската култура од најрана возраст.
Автор:
Слични статии
-
-
МУЛТИЗНАЧНОСТА НА СЛОВЕНЕЧКИОТ ТЕАТАР
10 април, 2023 -
-
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
