Јавна дебата за правата на авторите без присуство на претставници од ЗАМП и ММИ
— 18 декември, 2015Јавната дебата за имплементацијата на Законот за заштита на авторските и сродните права (ЗАПСП) се одржа вчера во Министерството за култура, но без претставници на ЗАМП и на ММИ. Оваа дебата беше организирана со цел да се подобри имплементацијата за Законот за авторски и сродни права и низ конструктивен дијалог на сите засегнати страни да се креира поволен амбиент за остварување на правата на авторите.
Министерката за култура Елизабета Канческа-Милевска на отворањето на расправата изрази жалење што нема претставници на двете организации а со нивното отсуство тие ги игнорираат интересите на авторите за кои имаат дозволи (лиценци) да ги застапуваат.
– Оваа дебата е организирана за да ги слушнеме мислењата и сугестиите на здруженијата за колективно управување, кои со отсуство демонстрираат неодговорен однос кон своето членство и неподготвеност за дијалог. И покрај нивниот бојкот и неприсуство на дебатата, како Министерство сме отворени за средби, соработка и разговори – рече Канческа-Милевска.
ЗАМП и ММИ не ја исполниле обврската да инсталираат систем за електронско евидентирање и обработка на податоците за емитуваните авторски дела во радијата и телевизиите, со кој точно ќе се знае кој автор, кога и колку пати е емитуван и врз основа на тоа ќе му се пресметува надомест. Софтверот треба да воведе ред и транспарентност во исплатата на надоместоците за авторите, нивен рамноправен третман и правна сигурност. Поради сложеноста на системот, на ЗАМП и на ММИ им беше продолжен рокот за негово инсталирање во радијата и телевизиите за една и пол година и наместо во април 2014, рокот заврши на 30 септември 2015 година.
Според извештајот на Комисијата за посредување, ЗАМП го инсталирал системот кај 126 радио-телевизиски организации, а кај 20, поради одредени околности, системот не е ставен во функција. ММИ, пак, не ја спровел законската обврска затоа што системот го инсталирал на начин кој не е во согласност со ЗАПСП и со Правилникот за обликот, содржината и техничките карактеристики на системот за електронска евиденција.
Министерката информираше и дека Владата неодамна дала негативно мислење за годишниот ревизорски извештај за работата на ММИ за 2014 година затоа што за тековни потреби за своето работење потрошил 82 процента од вкупниот износ на собрани надоместоци од корисниците. Тоа е спротивно на Законот кој за таа намена дозволува да се користат најмногу 15 отсто од собраните надоместоци, а останатите мора да им ги распредели на изведувачите и авторите.
Автор:
Слични статии
-
-
Од полноќ стартува забрана за емитување на македонска музика
19 септември, 2016 -
Инсталирање на софтвер за заштита на авторски права
30 септември, 2015
Последни статии
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
