Контролирани медиуми се само пропагандна машина на власта
— 3 мај, 2015
Соопштение на ЗНМ:
“Денеска е 3 Мај, денот на слободата на медиумите, кој се прославува во целиот слободен свет. Уште еднаш по кој знае кој пат ќе и повториме на власта дека слободата на медиумите во Македонија е сериозно загрозена. Ги потсетуваме дека слободата на медиумите е камен темелник на едно демократско општество.
Место слободни имаме контролирани медиуми, кои место на јавноста, служат на интересите на владејачките парии и на сопствениците на медиумите, кои ги користат медиумите како средство за пропаганда за зачувување на власта и за правење пари. Медиумите се жртвувани од одредени уредници и новинари, кои заради ситни интереси газат врз новинарската етика и достоинство претварајќи се во пропагандисти.
Освен тоа, продолжуваат притисоците, заканите и заплашувањата од власта за да се замолчат новинарите. Еден новинар е осуден на казна затвор, друг се бара со потерница за шпиунажа, трети се казнуваат со високи казни за нарушена чест на политичари, а на останатите им се упатуваат смртни закани.
Состојбата со медиумите во Македонија може да се подобри ако постои политичка волја од власта. Потребна е радикална реформа на медиумскиот систем за што се потребни следните чекори:
Македонските институции треба да формираат мешовита независна комисијата, која ќе води нова истрага со цел да ги отфрли или потврди сомневањата во јавноста дека новинарот Никола Младенов не загинал во сообраќајна несреќа, туку дека врз него бил извршен атентат.
Врховниот суд да ја укине пресудата на Апелациониот суд за новинарот Томислав Кежаровски осуден со две и пол години завор за наводно откривање на заштитен сведок. Освен тоа, Врховниот суд треба да ја укине и пресудата на Апелација, со која новинарите на Фокус, Јадарнка Костова и Владо Апосотолов им е наложено да исплатат околу 9 илјади евра како наматеријална штета и судски и други трошоци, за ваводна клевета на директорот на УБК, Сашо Мијалков. Со укинувањето на овие апсурдни пресуди ќе се задоволи правдата и ќе се поврати изгубената доверба на граѓаните во македонското судство. Ако Врховниот суд не ги укине овие пресуди тие ќе паднат пред Европскиот суд за човекови права во Стразбург.
Јавното обвинителство треба да го повлече обвинението против новинарот Зоран Божиновски за наводна шпиунажа, која за нас е неоснована.
Освен тоа, владата треба да престане со јавни пари да ги корумпира македонските медиуми. Сите владини кампањи да бидат стопирани на неодредено време се додека не се најде решешение за трошењето на јавни пари во медиуми. Исто така, владата не треба со јавни пари да ја финансира домашната продукција на национаните приватни телевизии.
Македонската радио телевизија да се ослободи од стегите на партиската контрола. Владата да обезбеди одржлив извор на финансирање на МРТ и да ги департизира и деполитизира управните органи. Уредниците и новинарите на МРТ да работата во интерес на јавноста и да не потклекнат на било какви притисоци.
Агенцијата за аудио и аудиовизуелни медиумски услуги, да се департизира и деполитизира. Треба да се обезбеди независноста на медиумскиот регулатор, кој ќе биде во можност да креираат политики и амбиент за слободни и независни медиуми. Регулаторот, место да ги плаши медиумите со високи казни, да излезе со јасна визија како ќе го извлече од криза медиумскиот систем.
И на крај, власта мора да се престане со орекстрирана хајка против новинари кои ја критикуваат нејзината политика. Говорот на омраза мора да престане во сите медиуми оти ваквиот говор не е одлика на професионални новинари. Институциите треба да го санкционираат говорот на омраза во медиуми согласно домашното и меѓунардоното право.
Убедени сме дека без справување со овие предизвици со слободата на изразувањето и слободата на медиумите, Македонија нема да излезе од политичката криза и нема да се интегрира во ЕУ и НАТО. Најголемата одговорност за последиците од нерешавање на овие проблеми ќе биде на владата.”
Tagged with:
НАСТАНИ
Автор:
Слични статии
-
-
Фотографии од настани што ја одбележаа 2016 година (2)
31 јануари, 2017 -
Полски нуркач го урна рекордот на пештерата Врело
5 септември, 2016 -
Објавени добитниците на државната награда „Св. Климент Охридски“
1 декември, 2015
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
