Странски археолози ќе истражуваат наш локалитет со наши пари
— 27 април, 2015Во наредните четири години ќе се истражува Костоперска карпа, позната како наша мала Света Гора под раководство на археолози од Англија и од Македонија. Овој проект ќе биде реализиран под раководство на професорката д-р Драгана Младеновиќ од Универзитетот од Southampton, за ко-раководители се назначени професори од Oxford и Edinburg , додека од Македонија ќе учествува Дејан Ѓорѓиевски од Музејот Куманово.
Костоперската карпа се наоѓа во Младо Нагоричане во Куманово, на оддалеченост од девет километри од градот. На левата страна од патот, се издига рид на кој се гледа црквата „Св. Петка’, којшто продолжува во височина и завршува со карпа со необичен, впечатлив изглед. Таа е позната и како Жеглиговски Камен и е дел на низата од пет вулкански висови кои, начичкани еден до друг, ќе ги забележи секој што патува по овој патен правец.
Најстарите траги и пронајдоци потекнуваат од енеолитот, а откриени се и предмети од железното време. Остатоците од керамика, изработена по углед на хеленистичкиот период, потекнуваат од IV-III век п.н.е., а најголемиот материјал потекнува од доцната антика, односно од IV-VI век од новата ера. Откриено е постоење и на објект за кој се претпоставува дека претставувал базилика, потоа траги од бедем, како и седум средновековни гробови. Последните наоди се од времето на турското владеење.
На археолошкиот локалитет Костоперска Карпа е откриено постоење на повеќеслојна населба со континуиран временски и културен живот. Црквата „Св. Петка” под Костоперската карпа е изградена во 1682 година, во околината има многу стари гробишта, а тука се наоѓа и црквата „Св. Ѓорѓи Победоносец“.
Проектот ќе трае до 2018 година. Фокусот на истражувањето е ставен на Кoстоперската карпа. Ќе се работи со геоскенирање и археолошко сондирање. Археолозите од Англија ќе употребат нивни инструменти, додека нашите ќе користат инструменти набавени од Шведска. Инаку се претпоставува дека на ова место, некогаш, се наоѓале повеќе од 20 цркви, најмалку три населби, по што и го добило името мала Света Гора. Според археолозите на овој простор се наоѓа и ранохристијанска базиликална црква, која се користела за погребување, како и остатоци од средновековни ѕидини. Особено се издвојува подземна просторија која сеуште не е доистражена.
Автор:
Слични статии
Последни статии
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
