Археолошкиот локалитет Млака загрозен од изградба на новиот пат
— 23 април, 2015Во селото Шупли Камен, оддалечено десеттина километри од Куманово, се наоѓа праисториски локалитет што не е регистриран во археолошката карта на Република Македонија. Луѓето кои знаат за овој локалитет, наречен Млака, меѓу кои е и Драган Петрушевски, дипломиран археолог, ја анимираше јавноста за опасноста дел од него да биде уништен со изградбата на патот кој се планира да поминува низ него. Според наодите, кои се гледаат со голо око, а тоа се разни испокршени парчиња од керамика и парчиња од сечен камен, локалитетот датира од неолитот и енеолитот. Низ овој локалитет е планирано да помине пат со ширина од 10 метри и според првична проценка минимум 50 метри ќе навлезе во должина, а веројатно патот ќе влезе во поголем дел од локалитетот. Механизацијата веќе работи на трасата и патот кој сега е поширок од постоечкиот а на некои места излегува од стариот пат, е донесен до самиот локалитет.
Изведувачот беше изненаден дека се работи за локалитет, бидејќи според документите што тие ги поседуваат, на овој дел не постои локалитет, и тие се сосема во право. Во Македонија постојат многу локалитети, кои сеуште не се влезени во археолошката карта на Р. Македонија. За некои, како што е локалитетот Млака во селото Шупли Камен, луѓето знаат дека постои локалитет, но за многу од нив се дознава дури кога ќе почне да се гради некој пат или објект.
Дека постои археолошки локалитет на крајот од селото Шупли Камен, Драган Петрушевски многу порано ги има информирано Музејот на Куманово и Управата за заштита на културното наследство на Р. Македонија. Сега, кога претеше опасност од вклучување на тешката механизација повторно беа информирани Музејот на Куманово и Управата за заштита. Работата била стопирана по посетата на вработените од надлежните институции. Инаку, овој локалитет е евидентиран од страна на Заводот – Музеј во Куманово што значи дека има број на евиденција.
Според Јован Ристов, поранешен директор на Националниот конзерваторски центар, институцијава треба во рок од три дена, по поднесената пријава, да направи увид во состојбата и да изврши валоризација на локалитетот. За жал тој потсети дека Македонија и после 10 години нема мрднато во евиденцијата на археолошките локалитети. Имено, ако пред десет години беа зацртани обврските на институциите, музеите да ја водат основната евиденција, Националниот конзерваторски центар треба да ја води матичната евиденција а Управата за заштита на културното наследство ја води централната евиденција. За жал иако и формално минатата година на 24 декември се воведе обврска за водење на АРХЕОЛОШКИ катастер, се уште ништо не е почнато, вели Јован Ристов.
Археолошката карта каква што ја имаме денес е издадена од МАНУ и таа не е службена документација туку претставува извор на научна документација. Од регистрираните 5000 локалитети само 102 локалитети се заштитени, што е сосема минорен – еден процент.
Автор:
Слични статии
-
-
-
За што се боревме!
18 јануари, 2019 -
Последни статии
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
