Деновиве целата книжевна јавност ОЧЕКУВА претседателката на Собранието на ДПМ да свика вонредно изборно собрание во Друштвото
(или во најмала рака да се одважи со некаква изјава околу моменталните случувања).
Во меѓувреме, поттикнат од коментарите (главно од оние коментари полни со осуда) што ги читам по Фејсбук, сакам да изразам три размисли.
1.
Откако осум од девет членови на Претседателството на ДПМ на 4 октомври поднесоа оставка од позициите, во неколку коментари прочитав дека нивната реакција била „задоцнета“, дека требало многу порано да поднесат оставка. Воопшто не се согласувам со таквите осуди и сметам дека се неправедни, па и навредливи кон овие осум членови. Осумте членови што поднесоа оставка го направија тоа откако цела една и пол година се трудеа да бидат што поконструктивни, да соработуваат и да придонесат за Друштвото да функционира на што подобар начин. Таквото нивно дејствување вроди со конкретни резултати: успешно беа организирани годишните награди на ДПМ, излегоа неколку броеви на списанието „Стожер“, се организираа настани… Сакам да ги пофалам осумте членови на ДПМ за сиот труд, за влогот во заедничкото работење, и најпосле, за сите дадени шанси на врвот на раководството на ДПМ да ја увиди штетноста и контрапродуктивноста на своето исклучувачко работење, и да почне да го води Друштвото согласно Статут. Поради својата професионалност, и пред сè поради вербата во заедништвото што ја имаа осумте членови, нивното поднесување оставка не е „задоцнета реакција“, туку е вистинска доблест, пример за другите.
2.
Еден член на Претседателството си поднесе оставка уште во септември минатата година, само четири месеци по востоличувањето на новото раководство на ДПМ. Може да се рече дека членот умеел да ги предвиди идните случувања во Друштвото, но тука пригодно е да се спомене една изрека која обично му се припишува на А. Линколн: „најдобриот начин да ја предвидиш иднината е самиот да ја создадеш“. Во секој случај, како и обично, и тука има повеќе вистини. Некој може овој чин на излегување од Претседателството да го осуди како „избрзана одлука“. Но, друга вистина е таа дека пребавното, прехаотичното и преисклучувачкото „менаџирање“ на Друштвото од страна на врвот на неговото раководство просто не одговара на активната и исполнителна работна динамика на која е навикнат тој член. При поднесувањето на оставката, овој член изјави дека планира да придонесе на поинакви начини за македонската книжевност и за писателите – нешто што впрочем и го сведочиме.
3.
Најпосле, иритира мелодрамската поделба на „добри“ и „лоши“ постапки од членови на ДПМ (при што обично се става акцент на осудата). Како главен „лош“, сепак, е претседателот во оставка. Читајќи ги изјавите и коментарите на Фб, се добива впечаток како сè што направил тој да е за осуда, и како да нема ништо добро во неговиот довчерашен ангажман. Мислам дека не е фер категорично да се порекнуваат сите негови напори: не е фер да не се цени делумното уредување на просториите на ДПМ, да не се цени договарањето попуст за членови на ДПМ во МНТ и во две книжарници, неколкуте успешно организирани настани (се сеќавам на едно убаво пладне посветено на преведувачката и македонистка Олга Панкина), воведувањето годишна членарина… Фер е да се признае дека тоа се активности што сепак бараат напор – независно од тоа што како пресудно за неславното завршување на мандатот на претседателот се покажа неговото исклучувачко работење (кое, во крајна линија не е само негово: не треба да се зборави дека во врвот на раководството на ДПМ многу влијателна улога има и Претседателката на Собранието на Друштвото – од која сега се очекува да свикаИзборно собрание)
„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
