„Кода“ е прогласен за најдобар филм на годината на вчерашната церемонија на доделувањето на „оскарите“ во Лос Анџелес. Филмот за лицата со оштетен слух триумфира на годинашните „Оскари“, со три номинации и освоени „оскари“ во сите три категории. Драмата на „ЕплТВ+“, купена од филмскиот фестивал „Санденс 2021“ за рекордни 25 милиони долари, стана првиот филм од стриминг-платформа што ја освои наградата. Станува збор за римејк на францускиот филм „Семејството Белиер“, кој се фокусира на единствениот член со слух во семејство со лица со оштетен слух.
Вил Смит го доби својот прв „оскар“, освојувајќи го за најдобрата машка улога за улогата на таткото на Венера и Серена Вилијамс во филмот „Кралот Ричард“.
Наградата за најдобар режисер ѝ припадна на Џејн Кемпион за психодрамата „Моќта на кучето“, единствената победа за филмот што беше на врвот на групата со најмногу номинации.
Џесика Честејн беше прогласена за најдобра актерка за телевизискиот биографски филм „Очите на Тами Феј“, што беше нејзина трета номинација и прва победа. Филмот ја освои и единствената друга награда за која беше номиниран, за најдобра фризура и шминка.
Аријана де Боз беше прогласена за најдобра споредна женска улога за нејзината улога во римејкот на Стивен Спилберг на „Приказна за западната страна“. Таа стана првата квир-жена и само втората Латиноамериканка што некогаш добила „оскар“. Кај мажите во оваа категорија, „оскарот“ отиде во рацете на Трој Коцур за „Кода“, а тој е вториот актер со оштетен слух што добива „оскар“.
Кенет Брана ја доби златната статуетка за најдобро оригинално сценарио за неговата полуавтобиографска драма „Белфаст“. – Ова е голема чест за еден неверојатен град – рече тој за наградата, негова прва победа од осум номинации.
Подоцна, кога ја доби наградата за најдобар актер, Смит се извини поради неговото однесување.
„Вози го мојот автомобил“, кој беше првиот јапонски филм што беше номиниран за најдобар филм, беше прогласен за најдобар меѓународен игран филм. За најдобар анимиран филм беше прогласен „Енканто“, а „Кралицата на кошарката“ го доби „оскарот“ за најдобар краток документарен филм. За најдобар долгометражен документарен филм, „оскарот“ го доби „Лето на соулот“. Британската двојна оскаровка Џени Биван победи и за нејзината костимографија во „Круела“.
Церемонијата ја водеа Реџина Хол, Ејми Шумер и Ванда Сајкс. Ноќта започна со екстравагантен настап на Бијонсе, пеејќи ја нејзината песна за филмот „Кралот Ричард“ номинирана за „оскар“. Но наградата за најдобра оригинална песна им припадна на Били Ајлиш и нејзиниот брат Финиес за нивната песна „No Time to Die“. Ова е трета песна од филмовите за Џемс Бонд што освојува „оскар“ по Адел и Сем Смит.
– Сакам да ѝ се извинам на Академијата, сакам да им се извинам на моите номинирани колеги… уметноста го имитира животот. Изгледам како лудиот татко, исто како што велеа за Ричард Вилијамс, но љубовта те тера да правиш луди работи – изјави тој.
Листа со категории и номинации:
Најдобар филм
„Белфаст“
„Кода“ – ПОБЕДНИК
„Не гледај нагоре“
„Вози го мојот автомобил“
„Дина“
„Кралот Ричард“
„Ликориш пица“
„Алејата на кошмарот“
„Моќта на кучето“
„Приказна од западната страна“
Најдобра актерка во споредна улога
Џеси Бакли, „Изгубената ќерка“
Аријана де Бозе, „Приказна од западната страна“ – ПОБЕДНИК
Џуди Денч, „Белфаст“
Кирстен Данст, „Моќта на кучето“
Онџану Елис, „Кралот Ричард“
Најдобар актер во споредна улога
Киран Хајндс, „Белфаст“
Трој Котсур, „Кода“ – ПОБЕДНИК
Џеси Племонс, „Моќта на кучето“
Џ.К.Симонс, „Да се биде Рикардо“
Коди Смит-Мекфи, „Моќта на кучето“
Најдобар странски филм
„Вози го мојот автомобил“ – ПОБЕДНИК
„Бегство“
„Божјата рака“
„Лунана: Јак во училницата“
„Најлошата личност на светот“
Најдобар анимиран филм
„Енканто“ – ПОБЕДНИК
„Бегство“
„Лука“
„Мишел наспроти машините“
„Раја и последниот змеј“
Најдобра песна
„Be alive“ од „Кралот Ричард“
„Dos Oruguitas oд “„Енканто“
„Down to joy“ од „Белфаст“
„No Time To Die“ од „Нема време за умирање“ – ПОБЕДНИК
„Somehow You Do“ од „Четири добри дена“
Најдобро адаптирано сценарио
„Кода“ – ПОБЕДНИК
„Вози го мојот автомобил“
„Дина“
„Изгубената ќерка“
„Моќта на кучето“
Најдобро оригинално сценарио
„Белфаст“ – ПОБЕДНИК
„Не гледај нагоре“
„Кралот Ричард“
„Ликориш пица“
Најдобар актер во главна улога
Хавиер Бардем, „Да се биде Рикардо“
Бенедикт Камбербач, „Моќта на кучето“
Ендрју Гарфилд, „Тик, тик…бум!“
Вил Смит, „Кралот Ричард“ – ПОБЕДНИК
Дензел Вашингтон, „Трагедијата на Магбет“
Најдобра актерка во главна улога
Џесика Честејн, „Очите на Тами Феј“ – ПОБЕДНИК
Оливија Колман, „Изгубената ќерка“
Пенелоп Круз, „Паралелни мајки“
Никол Кидман, „Да се биде Рикардо“
Кристен Стујарт, „Спенсер“
Најдобар режисер
Кенет Брана, „Белфаст“
Рјусуке Хамагучи, „Вози го мојот автомобил“
Пол Томас Андерсон, „Ликориш пица“
Џејн Кемпион, „Моќта на кучето“ – ПОБЕДНИК
Стивен Спилберг, „Приказна од западната страна“
Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
