Игор Лозаноски ја доби наградата „Новите!“ за 2020 година
— 25 декември, 2020Жирито за доделување на наградата за најдобар дебитантски прозен ракопис „Новите!“, во состав Фросина Крушкаровска, Алекс Букарски и Давор Стојановски, одлучи петнаесеттата награда „Новите!“, за 2020 година, да ја додели на збирката раскази „Исповед на еден телевизор“ од Игор Лозаноски.
Од вкупно пристигнатите 24 ракописи во потесниот круг за наградата влегоа ракописите на шест автор(к)и: Стефан Алијевиќ, Ангела Бошкоска, Ива Дамјановски, Игор Лозаноски, Мила Ноневска и Никола Кузелов.
Книгата на Лозаноски, на крајот најдобро оценета, претставува збирка од 25 куси раскази обединети или и проникнати од една клучна тема или расположение: отуѓеноста на модерниот човек во општество кое постепено и видливо се распаѓа, првенствено под растот и тиранијата на технологијата. Во таквото општество технологијата го зграпчува и парализира не само вниманието туку и идентитетот, туку ги претвора корисниците (некогашните „граѓани“) во безлични школки во кои шуштат комуникациски шумови, а се ослободени од одговорност, учество, заедништво, смисла, увид… Во таа смисла, расказите на Лозаноски веродостојно ги рефлектираат тегобноста и неснаоѓањето не само на младите луѓе во нашиот град и држава, туку и пошироко. Пандемијата само го засили тоа пленетарно чувство на тегобност, мошне присутно во книгата „Исповед на еден телевизор“.
Ликовите во расказите на Лозаноски колажно се врзуваат, со што се создава некаков каталог на ликови, неретко стереотипизирани и безлични – но на тој начин потенцирајќи ги некомуникабилноста, атомизираноста и инерцијата на меѓучовековите релации. Во куси, отсечни реченици, ослободени од украси, авторот ги соочува читателите со баналното секојдневие на таа менажерија од ликови, вградувајќи го и својот авторски глас во таа невесела атмосфера. Ликовите трпеливо ги загребуваат и осознаваат околината и градот, се обидуваат да учествуваат во тешко предвидливите промени, но всушност ненамерно ги помагаат истите фактори од кои се турнати во безнадежност.
Градот во кој се случуваат расказите наликува на Скопје, но можеби е тоа некакво малку изместено, дистописко Скопје. Зад индивидуалните драми кои немо се расплетуваат – некои од нив директно инспирирани од нашата мачна пандемиска сегашност – тлее тегобна атмосфера на општество кое налудничаво се фрагментира и затвора.
Лозаноски би можел во иднина, ако продолжи да пишува проза, да надмине одредени слабости, јазички, стилски, драматуршки, и да биде поотворен кон играта, експериментот и понеконвенционалните стилски решенија (кои би требало да бидат суштина на секоја уметност, па и на книжевноста).
И покрај слабостите, горе-долу очекувани за еден дебитант, расказите од збирката „Исповеди на еден телевизор“ за нијанса се издвоија од другите пет најдобро оценети ракописи.
Покровител на наградата „Новите!“ веќе петнаесет години, од самиот почеток, е Комерцијална банка, Скопје.
Игор Лозаноски е роден на 07.02.1990 година во Скопје. Дипломирал на Економскиот факултет на катедрата за Менаџмент на Универзитетот Св. Кирил и Методиј. Работи во приватна фирма во друга струка. Со поезија и проза аматерски почнал да се занимава од десет години, за веќе на тринаесет години да знае дека е на вистинскиот пат и дека тоа е неговиот сон. Првите почетоци се во 2006 година кога негови песни се објавени во средношколскиот училишен весник Орце Инфо. Досега ги има објавено збирките поезија Така дуваше ветерот – Барок и романтизам (2018) и Плодови на минатото (2020)
Застапен е во повеќе македонски антологии и книжевни списанија, како Раст, Современост, Книжевни Елементи и други. Исповед на еден телевизор е прво негово прозно остварување.
Извор:Окно
Цртежи: Ѓорѓе Јовановиќ
Автор:
Слични статии
-
-
Награда за најдобар роман на Сашо Огненовски во Хрватска
16 ноември, 2021 -
Роман на годината – извадоци од пристигнатите романи (5)
17 март, 2021 -
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
