Сараевски фестивал: Бејрутскиот слам ја замолчи двеилјадната публика
— 15 август, 2018Филмот на Надин Лабаки „Капернаум“, кој во Кан го освои Гран-прито на жирито, ја донесе највпечатливата и најтажна приказна за едно дете кое сака да ги тужи неговите родители и да ги спречи повеќе да носат деца на овој свет.
Еден од најубавите и највпечатливите филмови на Сараевскиот филмски фестивал, дефинитивно, е либанскиот филм „Капернаум“ на Надин Лабаки, којшто својата светска премиера ја имаше на годинешниот Кански фестивал. Она што веќе како најава го знаевме и го пишувавме е дека ова е филм за имигрантските деца на улиците на Бејрут, дека тоа е социјална приказна за овие сиромашни и запоставени деца кои се обидуваат да се снајдат на секаков можен начин, но не знаевме дека ова е филм многу повеќе од тоа, ова е филм кој не соочува сите со прашањето на одговорноста. Ова е толку болен и силен филм, во кој малиот Заин на своите плеќи ја понесува целата тежина на судбината, покажувајќи им не сакајќи и на своите родители, но и нам, каде сме сите ние кога се соочуваме со овие судбини, каде се негвоите родители кои не ја понесуваат одговорноста, но и ние, системот, опшеството, сите оние неми сведоци кои всушност гледаат, но не забележуваат што, всушност, вистински се случува.
Но, Лабаки секако нема да застане тука, туку сакале или не, интересно за медиумите или не, таа во детали ќе ја раскаже приказната за Заин, кој всушност е едно токму од тие деца, приказната која многумина не ни сакаат да ја видат, приказната која се крие зад една ваква навидум небулозна тужба, но толку реална, толку искрена, толку вистинска, и на крајот, толку на место. Тужба која требало веќе да ја поднесат други, но тоа нели не е наша работа, не се такви законите, не го правиме ние системот, итн, итн.
Заин е едно неверојатно дете, едно од многуте во тоа семејство кое живее во тој бејрутски слам. Но, Заин е поинаков, толку паметен, толку грижлив и толку решен целиот оној недостаток на одговорност на неговите родители да го понесе тој. Приказната почнува со неговата љубов спрема постарата сестра Сахер, која се обидува на секаков начин да ја заштити и да ги спречи неговите родители да ја продадат. Кога во тоа нема да успее ќе си отиде од дома, но ќе влезе во друг кошмар, останувајќи да се грижи за бебето на една имигрантка која ќе му помогне, но која одеднаш ќе ја снема… Филмот е направен толку реалистично, толку силно и впечатливо, што на отворената сцена во киното „Металец“, кое беше полно, владееше таква тишина, што можеше да се чуе и најмалиот шум и се чувствуваше онаа тежина во воздухот.
„Капернаум“ е неверојатен филм, во кој улогите на Заин и на малиот Јонас критичарите веќе ги прогласија за најдобри улоги на деца во историјата. Лабаки, која е родена во Бејрут, направила таков филм од срце, но и со голема храброст, бидејќи многумина ниту сакаат тоа да го видат ниту да зборуваат за таа одговорност, која се однесува на сите нас, што веќе и по реакциите за овој филм можеше да се види. Па сепак, и покрај различните критики, жирито предводено од Кејт Бланшет во Кан на овој филм му ја даде специјалната награда на жирито, која дефинитивно ја заслужува. А зошто „Капернаум“, затоа што Лабаки во оваа своја вечно актуелна приказна се навраќа токму на древното место во Израел, каде што Исус направил голем дел од своите чуда, порачувајќи дека она единственото што овие деца може да ги спаси, веројатно се чудата.
Извор: Слободен печат
Автор: Сунчица Уневска
Автор:
Слични статии
Последни статии
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
