Не се намалени казните за навреда и клевета на едно евро
— 11 април, 2018Ќе го смениме Законот за граѓанска одговорност за навреда и клевета и ќе ја намалиме висината на надоместот на штета за изречена навреда или клевета во Република Македонија. Надоместокот за клевета и навреда сторена од страна на новинарите, уредниците и медиумите до влезот на Македонија во ЕУ, ќе биде симболичен и ќе изнесува 1 евро.
[Извор: Изборна програма на СДСМ, (2016), „План за живот во Македонија“ (стр.36, стр.44 и стр.233); датум: декември 2016]
ОБРАЗЛОЖЕНИЕ:
Во предизборието за предвремените парламентарни избори кои се одржаа во декември 2016 година, СДСМ вети дека во првите шест месеци од мандатот „ќе биде изменет Законот за граѓанска одговорност за навреда и клевета и ќе биде намален надоместокот на штета за изречена навреда или клевета“. Исто така, тогаш беше ветено и дека „надоместокот за клевета и навреда сторена од страна на новинарите, уредниците и медиумите, до влезот на Македонија во ЕУ, ќе биде симболичен и ќе изнесува 1 евро.“ Ова ветување на социјалдемократите досега (5.04.2018), не е исполнето.
Споменатото изборно ветување на СДСМ е дадено во нивната изборна програма: „План за живот во Македонија“ и го има на три места. Најнапред, тоа се споменува на самиот почеток од Програмата – на стр.36, во поглавјето „Контрола над власта“, во делот „Човекови права“, потоа на стр.44 – во делот „слободни медиуми“ и истото е составен дел од „ПЛАНОТ 180 – ИТНИ РЕФОРМСКИ ПРИОРИТЕТИ НА НОВАТА ВЛАДА ВО ПРВИТЕ 6 МЕСЕЦИ“, во делот „Правда, сигурност, контрола на власта“( стр.233).
Според рокот за реализација наведен во Изборната програма (првите шест месеци од мандатот), казните за навреда и клевета требаше да се намалат најдоцна до крајот на ноември 2017 година (имајќи предвид дека новата Влада предводена од СДСМ беше избрана на 31 мај 2017 г.).
Сепак, наспроти ваквите планови, досега (05.04.2018) тоа не се случи, а нема ниту најави дека се пдоготвуваат законски измени за пониски казни за навреда и клевета, кои за новинарите би имале и симболична вредност од едно евро. Сѐ уште се на сила казните предвидени во Закон за граѓанска одговорност за навреда и клевета, донесен 2012 година кога беше направена декриминализацијата на навредата и клеветата. Во врска со казните, во поглавјето „Надоместување на штетата за клевета“ во Член 18 од овој Закон е предвидено дека:
(1) Судот не може да досуди како надоместување на нематеријална штета предизвикана со навреда или клевета од новинар во вршење на новинарска професија износ поголем од 2.000 евра во денарска противвредност.
(2) Судот не може да досуди како надоместување на нематеријална штета предизвикана со навреда или клевета од уредник или лицето кое го заменува износ поголем од 10.000 евра во денарска противвредност.
(3) Судот не може да досуди како надоместување на нематеријална штета предизвикана со навреда или клевета од правно лице износ поголем од 15.000 евра во денарска противвредност.
ИЗВОРИ:
Изборна програма на СДСМ: План за живот во Македонија (стр.26 и стр.233) [Пристапено: 05.04.2018]
Здружение на новинарите на Македонија – Закон за граѓанска одговорност за навреда и клевета [Пристапено: 05.04.2018]
Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED – National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Автор: Оливера Војновска
Фото:Андреј Гиновски
Извор: Вистиномер
Автор:
Слични статии
-
-
Ветениот „живот“ како да доаѓа со чекор на желка
21 јануари, 2019 -
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
