Наградените композитори од поништениот конкурс реагираат: дали на Алаѓозовски не му се допаднаа некои имиња од наградените композитори?
— 20 април, 2018Композиторите чии дела беа избрани на Конкурсот на Министерство за култура за откуп на нови композиции од 2017 година, реагираат откако Министерството одлучи да го поништи конкурсот.
Нивната реакција ја пренесуваме во целост:
„По објавувањето на соопштението (29.03.2018) на Министерството за култура, во кое се известува за поништувањето на Конкурсот за откуп на нови композиции за 2017, должни сме да реагираме поради следниве пропусти:
Соопштението содржи информации, ирелевантни за самото поништување. Цитирани се неколку делови од пропозициите (роковите за поднесување на пријавените дела, но и потребата за поднесување на пријавите под шифри), кои немаат никаква врска со поништувањето на конкурсот. Вметнувањето на овие цитати е пи-ар трик на Министерството, со намера да се создаде впечаток дека авторите кои се наградени го компромитирале процесот.
Соопштението непотребно ја подучува јавноста околу разликата помеѓу објавувањето на одлуките на тричлената комисија (назначена од Министерот) и објавувањето на решенијата на Министерот. Со ова вербално талкање се создава привид за некаква темелна контрола на процесот, и е уште еден пи-ар трик, за кој нема место во едно официјално соопштение. Истовремено, недостасува вистинската причина зошто Министерот не постапил по препораките на истакнатите професионалци, кои самиот ги назначил како членови на комисијата?
Соопштението избегнува да наведе јасно: какви сеадминистративните пропусти и кој ги направил? Со тоа потполно ја промашува својата цел. Од најавата за дисциплинските санкции кон вработени во Министерството се наѕира дека пропустите се направени внатре во Министерството. Сепак, одговорен за планирањето, координацијата и квалитетот на работата на Министерството е токму Министерот за култура. Од преземањето на должноста на 31.05.2017, Министерот имаше време да ја планира и координира работата на Министерството, за веќе по истекување нарокот за пријави на 31.10.2017 да располага со доволно човечки и технички ресурси за да се справи со пријавените дела. Зошто Министерот не го направил тоа (а го направил темелно во други сегменти од работата на Министерството)?
Споменувањето на организирање повторен конкурс (и напомената дека наградените автори од поништениот конкурс ќе можат да конкурираат по втор пат) е вметнато како уште една пи-ар мерка, со која Министерството сака да покаже дека се грижи за ситуацијата на наградените автори. Но, соопштението го игнорира фактот дека анонимноста на делата кои се наградени во поништениот конкурс е веќе повредена од самото Министерство (поради објавата на резултатите на 18.01.2018, истите дела се неупотребливи во повторениот конкурс).
Соопштението воопшто не се осврнува на претрпената штета на авторите, чии дела се наградени во поништениот конкурс. Министерството не им се обрати ниту да ги извести за доцнењето на процедурата на вреднување, ниту да ја објасни скандалозната пишман-објава, ниту да ги извести за споменатите пропусти. Одговорите дадени на поединци (во различни етапи во текот на долгото исчекување на резултатите) се контрадикторни. Досегашните информации создаваат јасна слика за бесрамно фабрикување причини за оваа груба и арогантна повреда на правата и интегритетот на петнаесет композитори, чија повеќемесечна макотрпна работа е обезвреднета.
Во отсуство на објаснување зошто се случиле административните пропусти и зошто Министерот не ја почитува препораката на комисијата, можеме само да претпоставиме дека на Министерот не му се допаднал списокот со наградени автори, и планира во повторeниот конкурс да се ангажира „административно“, за да се дојде до список, кој нему му се допаѓа. За таква интервенција, во држави со функционална демократија и воспоставен правен поредок Министерот одговара пред сите релевантни инстанци.
Поради очигледниот недостиг на релевантни причини за поништувањето на конкурсот, го повикуваме Министерот да ја преиспита одлуката и да ги преземе обврските, пропишани во конкурсот.“
Јана Андреевска
Андреј Блажевски
Валентина Велковска-Трајановска
Кокан Димушевски
Филип Иванов
Илија Илиевски
Горан Начевски
Ана Пандевска
Бојана Петровиќ
Сони Петровски
Драган Стојковски
Тодор Трајчевски
Благој Цанев
Панде Шахов
Автор:
Слични статии
-
-
Конкурс за идејно-графичко решение за јубилејот „50 години МКЦ“
9 јануари, 2022 -
Cinedays конкурс: 72 часа еко филм
8 јуни, 2021 -
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
