Стафилов – Имаме енормно загадување на водите
— 26 март, 2018Проблемот со водите е многу сериозен. Сите студии на реките и на речните сливови покажуваат енормно загадување на водите, посебно со пестициди, а во некои делови и со тешки метали, вели професор Трајче Стафилов од Природно-математичкиот факултет во неделното интервју на Радио Слободна Европа.
Професоре Стафилов, вие изработивте научно истражување за загаденоста од индустријата во Македонија. Какви се резултатите?
Нашите истражувања беа пошироки, освен истражувањата на загадените подрачја од индустриските активности, извршивме истражувања и за подготовка на геохемиски атлас на почвите во Македонија, значи целата територија на Македонија со избор на 1000 локации од коишто се земени 2000 примероци и врз основа на тие се подготви геохемиски атлас којшто излезе минатата година и е достапен. Од таму ја имаме сликата за околу 40 хемиски елементи и нивната дистрибуција во почвите во целата држава. Таму каде што очекувавме или добивме резултати за појава на одредено загадување, направивме дополнителни истражувања со многу поголем број на примероци и притоа објавивме уште седум геохемиски атласи за такви региони. Така што ја имаме сликата за загадување на почвите со тешки метали.
Паралелно со истражувањето на загадувањето на почвите, земавме и примероци од мов, којшто е најдобар биоиндикатор за загадување на воздухот. Честичките од воздухот се задржуваат во мововите и со нивна анализа ние ја утврдуваме дистрибуцијата на одредени тешки метали во прашината во воздухот, но паралелно во одредени региони собиравме и голем број примероци од прашина во куќите и така натаму, така што имаме и сознанија за загадувањето на почвите и паралелно, како што споменавте, ги истражувавме главните речни сливови во однос на присуството на тешки метали во водите, во седиментите и во почвите во околината на тие региони.
Од сите тие истражувања може да кажеме дека во Македонија има области каде што имаме интензивно загадени почви. Тоа има последици и во загадувањето на воздухот, со пренос на таква прашина или на почвите.
Исто така имаме индустриски депонии, коишто се најчесто историски, значи од минатото, кога не се водело многу грижа за загадувањето и кога законските норми не биле на тоа ниво како што се сега за да се спречи депонирање на таков, да речеме, опасен отпад којшто е во енормно големи количества и којшто бара решенија.
Според тоа, дали се загадени водата што ја пиеме и храната што ја јадеме?
Во однос на водата за пиење, јас би сакал да го потенцирам проблемот со загаденоста на водата од водоводот во Гевгелија која што има зголемена концентрација на арсен. Овој проблем е познат, меѓутоа, од средствата за јавно информирање слушам дека општината се обидува да најде решение, но тој проблем сè уште не е решен. Мислам дека водата за пиење е забранета, но им е достапна на луѓето. Во однос на другите параметри, во однос на тешките метали немаме критични состојби.
Во однос на храната, колку што ми е мене познато, квалитетот на храната од животинско потекло ја контролира Ветеринарниот факултет, дел од поранешниот Ветеринарен институт, којшто сега е дел од Ветеринарниот факултет врши такви анализи, не само на тешки метали, туку и на други загадувачи. Агенцијата за храна исто така има свои надлежности да врши такви испитувања, меѓутоа она што ми е на мене познато, а што е резултат на наши истражувања, во одредени региони каде што имаме големо загадување, посебно со тешки метали, имаме загадување и на храната. Ние извршивме детално истражување во Велес и во неговата околина, од поголем број на бавчи зедовме над 40 различни примероци од зеленчук и во сите утврдивме дека концентрацијата на кадмиум и олово е над максимално дозволената по нашите правилници, но таа сè уште се конзумира, не е забранета за конзумација. Претпоставувам дека надлежните ќе се зафатат со решавање на тој проблем, бидејќи е недопустиво кога знаеме дека имаме контаминирана храна, таа да се конзумира и денес.
Според вас, како треба да се реши овој проблем, што е приоритет во овој момент?
Многу проблеми во животната средина се создадени гледано историски и треба на повеќе фронтови да се ориентираме. Еве сега, како доаѓа пролетта, почнуваме да ги забораваме ПМ10 честичките, загадувањето на воздухот, кога ќе дојде есен повторно ќе се актуелизира. Имаме проблеми коишто ги зафаќаат сите медиуми на животната средина. Тука е проблемот на загадување на воздухот во практично сите градови во Македонија и мерките коишто ги усвоија владата и Министерството за животна средина треба да се спроведуваат. Тие проблеми треба да се решаваат според програмата, којашто според мене е релативно добро подготвена и таа треба да се реализира.
Проблемот со водите е многу сериозен. Сите студии на реките и на речните сливови покажуваат енормно загадување на водите, посебно со пестициди, а во некои делови и со тешки метали.
Тука се и проблемите на загадувањето на почвите, коишто недоволно се истражени од аспект на биодостапност на полутантите во храната. Министерството за земјоделство треба да се зафати со проекти коишто ќе покажат дали храната којашто се произведува на тие загадени почви се пренесува во крајниот продукт, со кој интензитет, за што треба да се намени ако е таков случајот или воопшто да се забрани производство.
Извор:Радио Слободна Европа
Автор: Владимир Калински
Автор:
Слични статии
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
