Театар Куманово: продолжи практиката на Министерството за култура за нашето континуирано осиромашување
— 11 февруари, 2018Драга публико и сите засегнати и незасегнати со нашите проблеми.
Ние, актерите од Театар Куманово, јавно го искажуваме нашето незадоволство од објавените резултати за годишната програма на Министерството за култура за 2018 година, според која, на театарот во Куманово (македонска драма) повторно се доделени само два проекти, со вкупен буџет од 1 600 000 денари.
Го изразуваме нашиот револт и протест заради долгогодишниот третман со кој се маргинализира, уназадува и уништува нашиот театар. Охрабрени од ветувањата на новиот состав при надлежното министерство, дека ќе се заложи за пофер дистрибуција на заедничките средства од центарот кон маргините, се понадевавме дека, конечно, некој ќе има слух за нашите заложби. Со големо разочарување констатираме дека, со однос на нас, само се продолжи практиката на дополнително осиромашување на послабиот и зајакнување на позициите на најсилните.
Овој револт е наш личен револт, револт на актери, кои, од една страна, ја делат судбината на останатите колеги низ Македонија да работат во неподносливо лоши услови, но, од друга страна, се единствените кои секојдневно, електронски го евидентираат своето работно време како административни работници и единствените дежурни виновници во устата на високите претставници на министерството и колегите од главниот град, кога сакаат да бројат колку претстави сме изиграле во годината и да не’ посочуваат за неработници, без притоа да бидат запознаени со условите во кои тие претстави се работат.
ДА РАСЧИСТИМЕ: никогаш немаме претставник во управен одбор или било какви други одлучувачки позиции (освен еден член, од пет, во програмски совет), немаме увид во парите, оттаму престанете да не’ обвинувате за „чудното“ трошење на сопствените средства од билети и изнајмување на простори. Понатаму, од 2010 година немаме уметники директор и скоро никако не учествуваме во креирањето на политиките.
Во склоп на зградата на театарот работат два ансамбли, еден на македонски и еден на албански јазик. Заради специфичноста на барањата од страна на македонскиот ансамбл по повод прослава на јубилеј, реакцијата се однесува само на одделените средства за продукција на претстави на македонски јазик.
А сега, прекинуваме со прибраниот говор:
Со буџетите што правиме? За овие скромни два проекти се одделени по 800 000 ден, еднакво, иста сума – по кои критериуми и според кои пресметки? Број на ликови во претставата, етаблираност на режисерот и соработниците, авторски права за текстот, дополнителни трошоци за изработка…?
http://www.kultura.gov.mk/index.php/odnosi-so-javnost/soopstenija/3536–2018
Оваа смешна сума треба да се смета за покривање на целогодишниот репертоар, кога Театар Куманово слави 70 години јубилеј и се надевавме дека Вие тоа го имате предвид – дека барем годинава овој театар заслужува поинаков третман. Но, со ова се покажа дека не само што сте неупатени, туку сте и игнорантни кон ваквиот за нас, свечен настан. Многу луѓе ги паметат блескавите денови на Театар Куманово, многу луѓе уште зборуваат за периодот кога Куманово ја предводи експерименталната сцена во Македонија. Моментално, буквално експериментираме, импровизираме во условите во кои сме препуштени да работиме – со преживување на -10 C, без греење и без кров, со застарена сцена, сала, недоволни простории и само една гримиорна за сите (24) актери. Неколкупати апелиравме за проблемот со кој се соочуваме веќе неколку години – дека е многу тешко, комплицирано да се обезбедат работни задачи за сите актери со два проекти, да се организира работа на два ансамбли во една зграда пред распаѓање, третирани како драмска секција при Центар за култура. Но, вие со тоа веруваме сте добро запознаени. Реагиравме на разни емисии и прилози во вести на телевизија и на социјалните мрежи, кружеа видеа од нашиот поплавен кров, и повторно, ни денар за тоа во Вашата „Програма за инвестиции 2018“.
Нема да навлегуваме во споредба со другите театри и буџетите одвоени за нивната програма. Но, се прашуваме, зарем главната заложба на министерството не е еднакви културни права за сите? Да се одговори на културните потреби на сите граѓани? Како да го оствариме ова, кога нискиот буџет и пристапот со кој што министерството ни дава до знаење дека историјата на овој театар е неважна, заложбата на актерите е неважна, заложбата на цел ансамбл и цела сценска техника да се надополнува репертоарот со ,,крпени“ претстави од сопствени средства, не е вредна за внимание.
Ние, актерите на Театар Куманово, не само што сакаме, имаме обврска да го одржиме во живот овој театар,сакаме и имаме обврска да му го вратиме некогашниот сјај, зашто овој театар и сите вработени во него тоа го заслужуваат. Затоа што граѓаните, љубителите на театарот тоа го заслужуваат.
Изгледа време е пак да се активира: НЕМА ДА ВИ ПОМИНЕ!!!
*Ова е заедничка реакција на група актери
Автор:
Слични статии
-
-
Организаторот го одложи „Офф фест“ за ноември
6 мај, 2021 -
-
Последни статии
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
-
Вечерва почнува 45. издание на ИФФК „Браќа Манаки“
— 21 септември, 2024Вечерва започнува 45. издание на Фестивалот на филмска камера „Браќа Манаки“ во Битола. Во Центарот за култура, свечената церемонија ќе започне во 19:45, со проекција на Канскиот хит „Партенопе“ под режија на Паоло Сорентино. Филмот е во официјалната селекција КАМЕРА 300. Годинашен добитник на наградата Златна камера 300 за животно дело е францускиот кинематографер Бруно…
-
„ПРО-ЗА Балкан“ со Борис Дежуловиќ, Рене Карабаш и Ѕвездан Георгиевски вечерва во Даут Пашиниот амам
— 15 септември, 2024Интернационалниот литературен фестивал „ПРО-ЗА Балкан“ ќе биде отворен вечерва, (недела, 15 септември) во 20 часот во Даут-пашиниот амам во Скопје. Врвни автори од регионот како Борис Дежуловиќ од Хрватска, лауреатот на наградата „Прозарт“ за 2024 година, Владимир Пиштало од Србија, Рене Карабаш од Бугарија, како и домашни автори се гости на фестивалот, што ќе трае…
-
Работилницата „Козметички третман на велосипед“ како најава за почеток на Недела на дизајн во Скопје
— 13 септември, 2024На 14. септември во Центарот за дизајн и иновации „Јавна соба“ во 11 часот ќе се одржи работилницата „Козметички третман на велосипед“ која всушност го најавува фестивалот за дизајн Skopje Design Week. Работилницата или козметичкиот третман на велосипед е бесплатна за сите, а за третманот ќе се погрижат тату артистите: Ертунч Сали, Сања Симоска и…
