Хуморот како лек: кон филмот „Исцелител“ на Ѓорче Ставрески
— 20 ноември, 2017Потегот годинашниов Синедејс да се затвори со македонскиот филм „Исцелител“, се покажа како маркетиншки оправдан и привлечен. По етикетата – најдобар филм според публиката на филмскиот фестивал во Солун, очекувано беше филмот да предизвика речиси еуфоричен пречек во Скопје. Преполната сала во Милениум покажа дека продуцентско/дистрибутерската стратегија е добро подготвена, почнувајќи од разделувањето нафора при влегувањето во салата до присуството и претставувањето на комплетната екипа по проекцијата на филмот. А аплаузот за кој тврдам дека ретко се случува да трае за цело време на одјавната шпица, покажа колку сме желни да наградиме производ кој внесува малку свеж воздух во однос на филмскиот жанр. Имено, „Исцелител“ е комедија со извесни примеси на ангажиран и критички став кон определени општествени состојби, а поради што беше најавен како црна комедија. Оттука, сметам дека Ставрески (тој е и сценарист на филмот) изнашол мудро и практично решение својата приказна да ја води како жанровски амалгам во кој делумно е присутно (како критика на здравствениот систем) црнилото од новата романска кинематографија („Смртта на г-нот Лазареску“) и од друга страна да пласира една проверена рецептура на духовит дијалог и минимум гег, својствена на старата чешка филмска школа (Форман, Менцел). Сигурен сум дека на филмот повеќе му прилега квалификативот – филм/сатира.
„Исцелител“ ниту нуди ниту бара драматуршко напрегање. Но, затоа нуди расположение, на моменти горчливо, но секогаш газирано со меурчиња дијалошка духовитост (малку бајата, а повеќе свежа). Ставрески умешно ја води актерската артикулација толку ретка во домашната кинематографија, со дузина симпатични детали кои на филмот му ја даваат потребната доза на шарм и гледливост. Заслугите секако им припаѓаат на носечките ликови Благој Веселинов (Веле) и Анастас Тановски (Саздо), но и на останатиот актерски тим.
Речиси и нема потреба да се впуштаме во некакви продукциски аспекти на филмот – камера, тон, монтажа… сите тие се во рамките на елементарно неопходното рамниште над кое доминира актерската игра и дијалошкиот момент.
Во случајот на „Исцелител“, со задоволство ќе ги избегнам здодевните и по правило неаргументирани епитети како што се – искреност и длабочина. Ако целата екипа од филмот уживала во снимањето (што е безмалку и видливо) тоа расположение неизбежно се пренесува и на публиката. Затоа вреднувањето на филмот на Ставрески е онаа банална, а секогаш присутна вистина дека смеата често лекува тага, и дека смешното не ретко е произлезено од трагичното.
Филмот „Исцелител“ нема претензии да биде висок уметнички чин, но секако го има предзнакот на значаен и пожелен кинематографски продукт. Сосема зрел и конзистентен дебитантски игран филм.
Препознавањето на трагикомичниот миг во кој живееме, овде на Балканот, е суштинската порака на филмот.
Автор: Влатко Галевски
Извор:Окно.мк
Автор:
Слични статии
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
