Новиот културен бран без естрадни содржини
— 29 јули, 2017Проект со наслов „Нов културен бран“, кој има за цел да ја деметрополизира и деконцентрира културата од главниот град и да ја дисперзира во локалните средини, најави вчера министерот за култура, Роберт Алаѓозовски. Ова е всушност замена на проектот познат како „Топол културен бран“ за децентрализација на културните содржини.
За разлика од претходниот проект, кога општините се јавуваа како организатори, интенција на новиот проект е да се поттикне и активира независна културна сцена преку здруженија на граѓани, асоцијации, неформални групи и автори од областа на културата.
– Имаме обезбедено мал буџет за оваа културна манифестација, но ги покануваме сите фондации, стопански субјекти и компании да се вклучат во оваа програма. Манифестацијата ќе се реализира од крајот на август до почетокот на октомври – рече Алаѓозовски.
Според новите критериуми за избор на програми нема да доаѓаат предвид содржини што припаѓаат на естрадата, какви што во изобилство ги имало во претходниот период. Проектите можат да бидат од ликовната, музичко-сценската, фолклорната, театарско-филмската, литературната област, како и самостојни и групни изложби, солистички, камерни и симфониски, етнофолклорни, рок и џез-концерти, театарски претстави и филмски проекции. Исто така се вклучуваат и содржините со мултимедијален карактер. Локациите на нивното одржување можат да бидат во установите од областа на културата, но и други јавни и алтернативни простори, дури и нефункционални, руинирани објекти и простори, кои може да се „реставрираат“ како уметничка сцена.
Од областа на музичко-сценската дејност ќе се поддржат настани со интердисциплинарна жанровска содржина и тоа од класичната и фолклорната провениенција, а зависно од карактерот на настанот ќе се избира и локацијата на одржување.
Во рамките на театарската дејност, во предност би биле претстави адаптибилни за отворен простор, со малобројна актерска екипа и неоптоварени со масивна сценографија и техника. Така приспособени, претставите ќе имаат можност да гостуваат на повеќе места.
Ликовната дејност, освен преку вообичаени претставувања на нечие самостојно или групно творештво, ќе се застапи преку разновидни уметнички дејствувања во урбан и адаптиран простор, преку интервенции, акции, настани и други креативни форми. Во проектот би се прифатил и пристап на своевидно естетско преобликување на руинирани урбани делови од градот и објекти, кои би добиле ново уметничко видување и смисла.
Од областа на литературата, предвиден е пристапот на симбиоза на книжевниот и поетскиот збор со други видови уметнички изрази на локации каде што силно ќе рефлектира „ехото“ на пишаниот збор.
При изборот, предност би имале мали мобилни содржини, кои би биле реализирани барем во неколку регионални локални средини.
Извор:Нова Македонија
Автор:
Слични статии
-
-
Валкани игри
14 април, 2021 -
Културата за власта е маргинална појава
25 јуни, 2019 -
Последни статии
-
Распишан конкурсот за наградата „Роман на годината“ за 2024 година
— 19 декември, 2024Фондацијата за унапредување и промоција на културните вредности „Славко Јаневски“ го распиша конкурсот за наградата „Роман на годината“ за 2024 година, кој ќе трае од 15 декември до 15 јануари 2025 година. Фондацијата за унапредување и промоција на културните вредности „Славко Јаневски“ го распиша годинашниот конкурс за наградата „Роман на годината“ за 2024 година, кој…
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
