Недела на шведскиот филм во Скопје
— 25 октомври, 2016Во организација на амбасадата на Шведска во Скопје, од утре, 26 октомври па се до 29 октомври, ќе се одржи недела на шведскиот филм. Проекциите на филмовите ќе одвиваат во киното „Фросина“ во Младинскиот културен центар. Отворањето на неделата на шведски филм ќе стартува утре со почеток во 18 часот, со прикажување на филмовите „Сјатување“ на Беата Горделер и од 20 часот „Ние сме најдобри“ на Лукас Мудисон.
Во текот на четирите дена ќе бидат прикажани 7 долгометражни филмови и 2 кратки филма. Помеѓу двете проекции публиката ќе има можност да продискутира за филмот и други сродни прашања во живо со режисерките Керин Екберг, Кристина Линдстром продуцентрката Лисаби Фридел, а преку скајп и со режисерките Беата Горделер и Аманда Адолфсон.
Во филмот „Сјатување“ станува збор за мало идилично место во Шведска во кое сите жители ќе се свртат против една нивна сограѓанка – 15-годишна девојка која тврди дека е силувана. Што кога колективот одбива да прифати срамна вистина? Дали тоа го менува животот на едно семејство или пак го растргнува ткивото на целата заедница? По прикажувањето на филмот ќе следи дискусија преку скајп со Беата Горделер. Од 20 часотќе биде прикажан филмот „Ние сме најдобри“ во кој, под режисерската палка на прочуениот Мудисон, се обработува приказната за три тинејџерки кои прерано треба самите да се грижат за себе додека родителите им работат, и кои и покрај тоа што немаат инструменти и сите им велат дека панкот е одамна мртов, ќе започнат свој панк бенд.
В четврток, 27 октомври, од 18 часот ќе биде прикажан филмот „Разделба“ на режисерката Карин Екберг, која ја документира разделбата на своите родители. Тоа е еден трагикомичен документарен филм кој ги разгледува прашањата за тоа како е да се прекине нешто што траело со години а веќе е мртво и да се посегне по нов почеток. Од 20 часот пак ќе биде прикажан филмот „Младата Софи Бел“ на Аманда Адолфсон во кој станува збор за две девојки кои се селат во Берлин, по што едната од нив, Алис, исчезнува. Трагајќи по неа, младата Софи ќе тргне на осамостојувачко патешествие низ Берлин преку кое ќе ги запознае многуте нијанси на животот. ПО филмот ќе следи дискусија преку скајп со режисерката Аманда Адолфсон.
В петок 28 октомври, од 18 часот ќе може да се погледне документарниот филм „Астрид“ кој ја обработува животната приказна на креаторката на Пипи долгиот чорап – Астрид Линдгрен преку материјал кој досега не е публикуван, од нејзините преписки, нејзиниот дневник… по што следи дискусија во живо со режисерката Кристина Линдстром. Од 20 часот ќе биде прикажан „Круг“ – филм во кој шест девојки кои првпат се среќаваат, биваат споени од некоја мистериозна сила за да спречат и совладаат големо зло кое го зафаќа нивниот град. За да можат да ја извршат мисијата, тие ќе треба да научат како да ги надминат разликите и да делуваат заедно.
Програмата завршува во сабота, 29 октомври, кога од 18 часот ќе бидат прикажани два кратки филма „Планината“ и „Мачкиците ја имаат моќта“, по што ќе следува дискусија со продуценктата Лисаби Фридел, а финишира со епскиот филм „Турист/Виша сила“ на Рубен Остлунд кој ќе биде прикажан од 20 часот – филм кој прикажува приказна за едно богато шведско семејство кое на одмор ќе се најде во ситуација во која во себе ќе мора се соочи со човечки импулси и инстинкти за кои имаат презир. Во филмот за една од сцените се смета дека е најспектакуларните сцени на лавина.
Програмата завршува во сабота, 29 октомври, кога од 18 часот ќе бидат прикажани два кратки филма „Планината“ и „Мачкиците ја имаат моќта“, по што ќе следува дискусија со продуценктата Лисаби Фридел, а финишира со епскиот филм „Турист/Виша сила“ на Рубен Остлунд кој ќе биде прикажан од 20 часот – филм кој прикажува приказна за едно богато шведско семејство кое на одмор ќе се најде во ситуација во која во себе ќе мора се соочи со човечки импулси и инстинкти за кои имаат презир. Во филмот за една од сцените се смета дека е најспектакуларните сцени на лавина.
Влезници за филмовите може да се набават директно во билетарата на киното „Фросина“ по цена од 100 денари.
Во рамките на овие денови, како дел од СНОВЕ 3 програмата, гостите режисерки и продуцентки од Шведска ќе се сретнат со македонските институции и организации кои работат на полето на афирмација и продукција на филмската уметност. Оваа програма цели да ги прикаже и поддржи жените кои работат во филмската индустрија. Второто издание се случи лани во Стокхолм, каде од Македонија, како дел од СНОВЕ 2 програмата гости беа Лабина Митевска и Марија Џиџева.
Оваа програма е поддржана и од Шведскиот Институт.
Повеќе информации и трејлери за филмовите може да се добијат на Фејсбук страницата на амбасадата, односно на следната страница:https://www.facebook.com/events/204359336662419/
Автор:
Слични статии
Последни статии
-
Дејан Петровиќ: Интервјуата се секогаш танго за двајца
— 19 ноември, 2024„На окрутноста на животот потребна му е благоста во погледот“, е превод на оригиналното издание „Окрутности живота потребна је благост погледа“, книга од соседството, од авторот Дејан Петровиќ, кој живее во Нови Сад, Србија. Тој зад себе, во неколку децениското пишување, остварил многубројни средби и направил интервјуа со значајни режисери, писатели, со луѓе од уметноста….
-
Нашето културно наследство не е само наша обврска, туку и одговорност кон идните генерации
— 8 ноември, 2024Министерот за култура и туризам Зоран Љутков, во просториите на НУ Завод за заштита на спомениците на културата и музеј – Охрид се обрати на прес-конференција по повод најновите археолошки откритија во Охридско-струшкиот Регион. Станува збор за вредни наоди, околку 80, откриени на локалитет во Охридско-струшкиот регион, односно на некропола од архајскиот период, 6 век…
-
Ново издание на „Збирка ноти – Камерна музика од Љубомир Бранѓолица Vol. I“
— 5 ноември, 2024Ново издание на „Збирка ноти – Камерна музика од Љубомир Бранѓолица Vol. I“. Новото електронско издание на „Збирка ноти – Камерна музика од Љубомир Бранѓолица Vol. I“. претставува избор на дела од богатиот опус на македонскиот композитор со хрватско потекло, Љубомир Бранѓолица. На повеќе од 40-тина страници се сместени шест нотографирани дела, избор од богатиот…
-
Столе Попов добитник на наградата „Живојин Жика Павловиќ“ за промоција на балканската кинематографија во светот
— 22 октомври, 2024На манифестацијата „Годишни награди за режисерите“, која се одржа во Нови Сад, на истакнатиот македонски режисер Столе Попов му беше врачена наградата „Живојин Жика Павловиќ“ за промоција на балканската кинематографија во светот. Наградата му ја врачи легендарниот актер Предраг Мики Манојловиќ, откако воведно обраќање имаше Ненад Павловиќ, и самиот режисер по професија и син на…
-
Гран при на „Киненова“ за филмот „Жена-убиец“ на грчката режисерка Ева Натена
— 21 октомври, 2024Во Домот на културата „Билјана Беличанец“ синоќа, на последната фестивалска вечер, во преполната сала во присуство на бројни филмски работници, уметници, актери, режисери, претставници на политичкиот и културниот живот на земјава и претставници на дипломатскиот кор беа доделени наградите на 9. издание на МФФ Киненова. „Гран при“ доби филмот „Жена-убиец“ на грчката режисерка Ева Натена,…
-
Познатиот австриски режисер Улрих Зајдл е лауреат на „Киненова, фестивал кој се отвора утре со „Јон Вардар против галакцијата“ на Гоце Цветановски
— 14 октомври, 2024Австрискиот режисер Улрих Зајдл е годинешен добитник на Наградата за животно дело на Меѓународниот филмски фестивал „Киненова“. -Со нас денеска е еден од најинтересните филмски автори, сценарист, режисер и продуцент, Улрих Зајдл од Австрија. Режисерот кој уште пред да го побуди вниманието во 2001 година со „Тегобни денови“, го побуди вниманието и пред тоа на…
-
„Што е прво? Филмот или приказната“ е мотото на 9. МФФ „Киненова“
— 7 октомври, 2024МФФ „Киненова“ ќе се одржи по деветти пат од 15 до 20 октомври, со македонскиот долгометражен анимиран филм на Гоце Цветановски „Јон Вардар против Галаксијата“. -На мое големо задоволство Тематски би ја започнал истата претставувајќи го овогодинешниот фестивалски слоган: Што е прво? Филмот или приказната? Огромна благодарност за целиот визуелен идентитет на овогодинешното издание на…
-
45. ИФФК „Браќа Манаки“: Иднината на фестивалот зависи од она што ќе им го пренесеме на младите
— 1 октомври, 2024На годинешното 45 издание на Интернационалниот фестивал на филмска камера „Браќа Манаки“, најстар фестивал и еден од трите фестивали во светот посветен на кинематограферите, кој се одржа од 21 до 27 во Битола, главната награда „Златна камера 300“ му припадна на германскиот филм „Наставничка канцеларија“ односно на кинематограферката Џудит Кауфман. Секако, одличен филм, безвременски, што…
